О́lketanýshy Pavel Jýkovtyń aıtýynsha, mıllıondaǵan jyl buryn Qazaqstan jerin "Ejelgi Tetıs muhıty" dep atalatyn teńiz tolqyndary shaıǵan. Ol zamanda materıkterdiń ornalasýy basqansha edi. Jer qabattarynyń qozǵalysy muhıt tereńdigi men jaǵalaýdyń sulbasyn ózgertkendikten, sondaǵy ósimdikter sýǵa túsip ketken. 
"Bıologııalyq qaldyqtar ár túrli mıneraldy tuzdardyń shoǵyrlaný ortalyǵyna aınaldy. Qabattar kóterilip, muhıt ketkennen keıin, qazir biz turǵan aýmaq shógindi jynystardyń ortalyǵy bolǵan. Osy óńirdiń kóp bóligin sary, sarǵysh shógindi jynystar alyp jatqanyn kórdik. Bul - temir tuzy. Biraq keıbir aǵash dińderi turǵan jerde marganes tuzy shoǵyrlanǵan. Olar túsimen, quramymen jáne syrtqy túrimen erekshelenedi. Paıymdaýymyzsha, biz marganes tuzy shoǵyrlanǵan ejelgi aǵashtardyń qaldyqtaryn taptyq", dedi P.Jýkov.
