Saıabaqqa 6,5 gektar jer bólingen. Onda júgirý, velosıped, jaıaý júrginshiler joly salyndy. Jaıyq ózeniniń Beıbarys kóshesindegi kópirden Jastar saıabaǵyna deıin abattandyrylǵan jaǵalaýy paıdalanýǵa berildi. Onyń uzyndyǵy 1861 metrdi, aýmaǵy 7,86 gektardy quraıdy. Jaǵalaýda úsh sýburqaq, "Atyraý qalasynyń sımvoly", "Shańyraq" túrindegi stela týyndylary, arhıtektýralyq arkalar ornatyldy. Balalar alańy, saýda oryndary, pandýstar, kóleńkeli shatyrlar jaǵalaýdyń sánin keltirip tur.
Sondaı-aq, oblys ákimdiginiń aldyndaǵy eki pırs jóndelip, sýburqaq qaıta jańartyldy. Bul jumystyń bárin "NCOC" kompanııasy qarjylandyrdy.
