«2020 jyly elordada 151 ınfraqurylymdyq jobany iske asyrý josparlanǵan. Qazirgi tańda 148 obekti boıynsha jumystar júrgizilip jatyr. Bul baǵdarlama aıasynda mektepter, aýrýhanalar turǵyn úıleri jóndelip nemese qurylysy júrgizilip jatqan, ınjenerlik-kólik ınfraqurylymyn kúrdeli ortasha jáne aǵymdaǵy jóndeý, qaıta jańartý jáne salý, kógaldandyrý boıynsha bos jumys oryndary usynylady»,- delingen Halyqty jumyspen qamtý ortalyǵynyń habarlamasynda.
Búgingi tańda «Jumyspen qamtýdyń jol kartasy» baǵdarlamasy boıynsha 14 myńǵa jýyq adam jumys tapty. Onyń 7 489-y jumyspen qamtý ortalyǵy arqyly jumysqa ornalastyryldy.
Ortalyqta «Jumyspen qamtýdyń jol kartasy» boıynsha jumystarǵa Halyqty jumyspen qamtý ortalyǵyna jumyssyz retinde tirkelgender jáne ınfraqurylymdyq jobalardy iske asyratyn jumys berýshi-merdigerlerge, ýaqytsha tirkelgen adamdardy qosa alǵanda, osy aýdanda (qalada) turatyn jumyssyzdar jiberiledi.
«Jumyspen qamtýdyń jol kartasy» baǵdarlamasy - halyqty jumyspen qamtý máselelerin jedel sheshý maqsatynda ázirlengen.Ol qosymsha jumys oryndaryn qurýǵa, áleýmettik, ınjenerlik-kóliktik ınfraqurylymdy jáne turǵyn úı-kommýnaldyq sharýashylyqty damytý, eldi mekenderdi abattandyrý boıynsha ınfraqurylymdyq jobalardy iske asyrý esebinen jumyssyz azamattar sanynyń ósýine jol bermeýge baǵyttalǵan sharalar keshenin anyqtaıdy.
Nur-Sultan qalasy ákimdiginiń «Halyqty jumyspen qamtý ortalyǵy» Beıbitshilik k-si-25, «О́rken» IO-da ornalasqan. «Jumyspen qamtýdyń jol kartasy» boıynsha málimet alý úshin 7(7172)57 89 37, 8 777 116 82 73 nomerine habarlasyp bilýge bolady.
Jol kartasy boıynsha bos jumys oryndary týraly málimetter enbek.kz portalynda jarııalanady.
