Sapaly televızııany endirý jumystary aıasynda teleradıohabar taratý salasyndaǵy Ulttyq operator «Qazteleradıo» AQ radıotelevızııalyq stansııalar turǵyzyp, modernızasııalaý ústinde.
2020 jyldyń ózinde ǵana 43 radıotelevızııalyq stansııa: Soltústik Qazaqstan oblysynda 13, Qyzylordada 16, Shyǵys Qazaqstan oblysynda 6, Aqtóbede 5 jáne Aqmola oblysynda 3 RTS qoldanysqa engizildi. Bul stansııalardan taraıtyn sıgnal atalǵan aýmaqtardaǵy 684 eldi meken nemese 800 myńǵa tarta turǵyndy qamtıdy.
Sonymen qatar, qazirgi ýaqytta Qaraǵandy oblysynda sıfrlyq efırlik telehabar taratý jelisine 5 RTS testileý tártibinde iske qosylǵan, synaq jumystary sátti aıaqtalǵan soń «Jastar», «Osakarovka», «Qantaı», «Suńqar» jáne «Pıoner» radıotelevızııalyq stansııalary qoldanysqa engiziledi. Bul RTS-terdiń qamtý aýmaǵyna Qaraǵandy oblysynyń 25 eldi mekeni enedi.
Sıfrlyq efırlik teldehabar taratý jelisin engizý jumystary 2012 jyldan beri júrgizilip keledi. Birqatar oblystar jańa júıege tolyqtaı kóshti. Atap aıtqanda Mańǵystaý, Jambyl, Túrkistan, Almaty, Pavlodar, Qostanaı oblystary men Shymkent qalasynda analogtyq telehabar taratý júıesi óshirildi, bıyl SETV-ǵa tolyqtaı kóshý Almaty qalasy men Soltústik Qazaqstan oblysynda josparlanǵan. Jobany júzege asyrý 2022 jyly aıaqtalady dep kózdelgen, «sıfrǵa» kóshý úshin barlyǵy 827 radıotelevızııalyq stansııa turǵyzylyp, jetildirilýi tıis.
2020 jyldyń qazan aıyndaǵy málimet boıynsha, 518 RTS qoldanysqa engizilip, sıfrlyq sıgnal el halqynyń 89,42 paıyzyn qamtyp otyr.
