Almaty karantınge qaıta jabylmaıdy

Almaty qalalyq Taýarlar men qyz­metterdiń sapasy men qaýip­sizdigin baqylaý departamentiniń basshysy, Almaty qalasynyń Bas memlekettik sanıtar dárigeri Jan­darbek Bekshın megapolıstiń epıdemııalyq ahýaly, KVI, JRVI jáne tumaýǵa shaldyǵý jaǵdaıy týraly baıandaı otyryp, sońǵy kúnderi qabyldanǵan qaýlynyń jaı-japsaryn túsindirdi.

Onyń aıtýynsha, Almatydaǵy koro­navırýs ınfeksııasynyń epı­de­mııalyq jaǵdaıy turaqty. Táýlik­tik ósim kórsetkishi 0,006% qu­raıdy, taralý ındeksi 1 paıyzdan tómen. Bıylǵy qyrkúıek aıynda barlyǵy 165 KVI jaǵdaıy tirkelse (106 sımptommen já­ne 59 sımptomsyz), sondaı-aq 194 etıo­logııasy belgisiz pnevmonııa ta­byldy. Epıdemııalyq zertteý­ler barysynda KVI oshaq­tar­ynda 305 baılanys anyqtaldy, onyń 3 jaǵdaıy PSR ádisimen anyqtaldy.

Ozyq zerthanalyq zertteý ádis­terin qoldana otyryp, buryn anyq­talǵan pnevmonııanyń 48,4%-ǵa jýyǵy, ıaǵnı 247 pasıenttiń qory­­tyndy saraptamalary tere­ńirek zertteldi. Zertteý bary­synda 35 COVID-19 dıagnozy (14%) anyqtalsa, 87 bakterııalyq pnev­monııa (35%) naqtylandy.

Al 4 qazanda qalada sımptomsyz KVI juqtyrǵan 1 naýqas jáne etıologııasy belgisiz pnevmonııaǵa shaldyqqan 1 adam anyqtalǵan.

Indettiń taralýyn toqtatý úshin qashyqtan oqytý formaty engi­zil­geni belgili. Biraq ata-analary qa­daǵalaýǵa múmkindigi joq balalar úshin 178 mektepte 11 942 oqý­shyǵa arnalǵan 917 kezekshi sy­nyp­tarda barlyq profılaktı­kalyq is-sharany saqtaı otyryp bilim alýǵa jol berildi (9,8% bas­taýysh synyp oqýshylary). Son­daı-aq oqýshylar sany az 10 mektep pen 8 mektep-ınternat qalyp­ty jumys isteýge ruqsat etilgen. Oqý bastalǵanǵa deıin arnaıy mo­bıldik toptar bilim berý nysandaryna daıyndyq aktilerin berdi. Tekserýler kezinde anyqtalǵan karantındik rejim buzý faktileri sabaq bastalǵanǵa deıin joıylǵan.

Qyrkúıek aıynda mektep oqý­shylary arasynda KVI-diń 7 jaǵ­daıy tirkeldi, olardyń bar­ly­ǵy qashyqtan oqyǵan kezde aýrý­ǵa shaldyqqan. Epıdemııalyq tergeý qorytyndysynda 4 oqýshy aýrýdy óz týy­starynan, 2 oqýshy medı­sı­na­lyq mekemelerge JRVI belgi­leri­men júgingen kezde juqtyr­ǵany anyq­taldy. 1 oqýshy bronh de­mik­pesinen sanatorlyq-kýrort­tyq em­delý aldynda profılak­tı­kalyq tekserý kezinde indetke shal­dyqqan. Al mektepke deıingi bala­lar arasynda KVI tabylǵan joq.

Bas sanıtardyń málimdeýinshe, Almatyda JRVI-men syrqat­tanýdyń epıdemııalyq jaǵdaıy da turaqty. Epıdemııalyq maýsym bastalǵaly beri, ıaǵnı 2019 jyl­dyń 1 qazanynan 2020 jyldyń 30 qyr­kúıegine deıin JRVI-diń 85 975 jaǵ­daıy tirkeldi. Bul ótken epı­demııalyq maýsymnyń kezeńimen salys­tyrǵanda 3,6% tómen. 14 jasqa deıingi balalar arasynda 48 478 jaǵdaı tirkelip, olardyń úlesi 56,4%-dy qurady. Bul – al­dyń­ǵy epıdemııalyq kezeńmen salys­tyrǵanda 8% tómen. Al 1 jasqa deıingi balalardyń úlesi sońǵy epıdemııalyq maýsymǵa qaraǵan­da (11,2% nemese 6 098 jaǵdaı) 17,7%-dy (8 614 jaǵdaı) qurady. Júkti áıelder arasynda JRVI-diń 856 (0,9%) jaǵdaıy tirkeldi, ótken maýsymda 750 (0,88%) jaǵdaı bolǵan edi.

JRVI-men aýyrǵan 11 852 naýqas aýrýhanaǵa jatqyzyldy, onyń 656-sy júkti áıel bolsa, 506-sy – 1 jasqa deıingi balalar.

– Jyl saıyn jergilikti bıýd­jet esebinen «qaýip tobyn­daǵy» adamdarǵa vaksına egiledi. Osy jyly «qaýip tobyna» Reseıden 130 myń doza kóleminde shyǵarylǵan úsh valentti «Grıppol Plıýs» vaksınasy satyp alyndy. 300 myń dozaǵa qosymsha tapsyrys berildi, onyń 186 myń dozasy kelip tústi. Almaty qalasynyń Densaýlyq saqtaý basqarmasynyń qoımasyna 1 qazanda 300 myń dozanyń 56 820 dozasy qabyldandy, – deıdi Alma­tynyń Bas memlekettik sanıtary.

Qalada tumaýǵa qarsy vaksınalaý 10 qyrkúıekte bastaldy. 30 qyr­kúıektegi jaǵdaı boıynsha tek 122 669 adam vaksınalandy, bul qa­lanyń jalpy halqynyń 6,1%-yn qu­raıdy, onyń 116 935-i (89,9%) «qa­ýip tobyna» kiredi (onyń ishinde den­saýlyq saqtaý qyz­­metkerleri – 24 866, 14 jasqa de­ıin­gi balalar – 21 101, júkti áıelder – 6 192, sozylmaly aýrýlary bar adamdar – 98 573, balalar úıi, qarttar úıi sııaqty ja­byq mekemeler kon­tıngenti – 3 019).

Jeke medısınalyq ortalyq­tarda tek 5 734 adam vaksınalandy, onyń ishinde 1 342-si jumys berýshiler esebinen, 4 392 adam óz qarajatyna ekpe jasatty.

Almatynyń Bas memlekettik sanıtary halyqaralyq áýejaıda sanıtarlyq-epıdemııalyq baqylaý kúsheıgeni týraly málimdep, onyń tártibin túsindirdi.

Qazaqstan azamaty emes adamdar elimizdiń Memlekettik shekarasyn kesip ótken sátte 72 saǵattan erte emes iriktelgen PTR ádisimen COVID-19-ǵa testileýden ótkeni týraly anyqtama bolmasa, elge kire almaıdy. Al anyqtamasyz oralǵan otandastarymyz PTR ádisimen COVID-19-ǵa zerthanalyq tekserý úshin karantındik stasıonarǵa 2 táýlikke oqshaýlanady. О́z keze­ginde Almaty qalasynyń týrızm bas­qarmasy men Almaty qala­synyń kásipkerlik jáne ınvestısııa­lar basqarmasy shetelden keletin tulǵalarǵa qoıylatyn talaptardyń ózgergeni týraly týroperatorlardy habardar etýi tıis.

ALMATY