Múgedektigi bar tulǵalar kúnine arnalǵan sharalar

Bul úshin Eńbek jáne halyqty áleýmettik qorǵaý mınıstrligi arnaıy is-sharalar josparyn ázirledi. Vıse-mınıstr Erlan Áýkenovtiń aıtýynsha, bul merekelik jáne saltanatty is-sharalardy, qaıyrymdylyq qolushyn sozýdy jáne basqa da aksııa­­­lardy qamtıdy.

Barlyq is-sharalar mindetti túr­de áleýmettik araqashyqtyqty jáne karantındik qaýipsizdik shara­la­ryn saqtaı otyryp ótkiziledi. Mysaly, medısınalyq-áleýmettik mekemelerde jáne dárigerlik ambýlatorııalarda múgedektigi bar tulǵalarǵa onlaın rejimde «Ashyq esik kúnderi» ótýde. Qajet bolsa, densaýlyqty tekserý úıde qolǵa alynady. Sondaı-aq jergilikti atqarýshy organdar múmkindigi shekteýli jandar tura­tyn otbasylardyń turmystyq jaǵ­daıyna zer salyp, olarǵa áleý­met­tik máselelerdi sheshýde qajetti kómek kórsetiledi. Sonymen qatar qaıy­rymdylyq aksııalary aıasynda múgedektigi bar aýyr naýqas azamat­tar­ǵa barý josparlanǵan, olarǵa azyq-túlik sebetteri beriledi. Budan tys, múgedektigi bar adamdarǵa kútim ja­saıtyn otbasylarǵa qaıyrym­dy­lyq kómek kórsetiledi.

Vıse-mınıstr múgedekterdiń ómir súrý sapasyn jaqsartý jónindegi jumys Qazaqstan Respýblıkasynda 2025 jylǵa deıin múgedekterdiń quqyǵyn qamtamasyz etý jáne ómir súrý sapasyn jaqsartý jónindegi ulttyq jospar sheńberinde keshendi túrde júrgizilip jatqanyn atap ótti. Máselen, múgedektigi bar jandardyń ómir súrý sapasyn jaqsartý maq­sa­tynda qoldanystaǵy zańnamaǵa túzetýler ázirlendi (24 zańnamalyq akti men 3 Kodekske).

Osy sanattaǵy azamattardy bel­sen­di jumysqa tartý máselelerine erekshe nazar aýdarylady. Qazirgi ýaqytta múgedektigi bar tulǵalardy odan ári jumysqa ornalastyrý úshin suranysqa ıe mamandyqtar bo­ıynsha oqytý júrgizilýde. Máselen, erekshe qajettilikteri bar 120 adam IT mamandyqtary boıynsha bilim alýda. Bızneste júrgen nemese startap-jobalarǵa ıe múgedektigi bar adamdarǵa akselerasııa, aýqymdy keńeı­tý, bıznes-tálimgerlik, oqytý, jańa naryqtarǵa shyǵýǵa kómektesý maqsatynda járdem jasalady.

Sonymen birge, aǵymdaǵy jyldyń qarasha aıynda múgedektigi bar adam­darǵa arnalǵan Mamandyqtar atlasyn ázirleý aıaqtalady. Bul jumys berýshilerge, jumyspen qamtý orta­lyqtaryna jáne jeke HR-agent­tikterge, shekteý túrine baılanys­ty qolaıly bos jumys oryndaryn irikteýge, Elektrondy eńbek bırjasy arqyly bos jumys oryndaryn tańdaýdy avtomattandyrýǵa múmkindik beredi.