Aımaqtar • 09 Qazan, 2020

MÁMS: Almaty qalasy jarna tóleýde kósh bastap tur

166 ret

kórsetildi

1 mın

oqý úshin

Búgin megapolıstegi óńirlik kommýnıkasııalar qyzmeti alańynda ótken baspasóz brıfınginde Almaty qalasy "Áleýmettik medısınalyq saqtandyrý qory" KEAQ fılıalynyń dırektory Tileýhan Ábildaev MÁMS aıasynda halyqqa medısınalyq qyzmet kórsetý máseleleri týraly baıandady, dep habarlaıdy Egemen.kz.

Aınash ESALI

MÁMS: Almaty qalasy jarna tóleýde kósh bastap tur

Medısınalyq saqtandyrý júıesi engizilgen 2017 jyldyń 1-shildesi men 2020 jyldyń 1-qazany aralyǵynda Qorǵa 423,1 mlrd teńgege jýyq qarjy jınaqtaldy.

Jarna kólemi jaǵynan Almaty qalasy kósh bastap tur – jınaqtalǵan somanyń besten bir bóligi burynǵysha, ońtústik astananyń enshisinde. Jalpy, 2017 jyldyń shildesinen búgingi kúnge deıingi aralyqta Almaty qalasynan Qorǵa 81,3 mlrd teńgeden astam jarna aýdaryldy. Onyń 68 mlrd teńgesi – jumys berýshilerdiń qaramaǵyndaǵy jumyskerler úshin jasaǵan aýdarymdary bolsa, qalǵan 13,3 mlrd teńge – jeke kásipkerler men azamattyq-quqyqtyq kelisimshart boıynssha eńbek etetinderge tıesili. Sondaı-aq, 2019 jyl basynan beri ózin-ózi jumyspen qamtyǵan 193 myńnan almatylyq 312,6 mln teńge kóleminde biryńǵaı jıyntyq tólegen.

ALMATY