Nátıjesinde karantın talaptaryn buzǵan 65 oqıǵa anyqtaldy. Almaty ákimdigi qala turǵyndaryn jappaı jınalatyn oryndarǵa barýdan bas tartýǵa shaqyrady: karantın tártibin buzǵan 65 nysan anyqtaldy.
Almatyda qala ákimi Baqytjan Saǵyntaevtyń tapsyrmasy boıynsha karantındik sharalardyń saqtalýyn baqylaý maqsatynda kúsheıtilgen rejımde 26 monıtorıngtik top jumys isteıdi, olardyń quramyna aýdandyq ákimdikterdiń, jergilikti polısııa qyzmetiniń qyzmetkerleri, «Atameken» UKP ókilderi jáne aýdandyq taýarlar men qyzmetterdiń sapasy men qaýipsizdigin baqylaý basqarmalarynyń mamandary kiredi.
Almaty qalasy taýarlar men qyzmetterdiń sapasy men qaýipsizdigin baqylaý departamentiniń málimetinshe, 10-11 qazan aralyǵynda 314 nysan tekserý sharalarymen qamtylyp, 65 buzýshylyq anyqtaldy. QR ÁQBtK-niń 425-baby boıynsha barlyǵy 24 ákimshilik quqyq buzýshylyq týraly hattama jasaldy.
Nátıjesinde Almaty qalasynyń Bas memlekettik sanıtar dárigeriniń 15.08.2020 j. №56 qaýlysyna sáıkes qyzmetine ýaqytsha tyıym salynǵan obektiler, sondaı-aq jumys rejıminiń buzylý jaǵdaılary anyqtaldy.
Olardyń arasynda:
- Medeý aýdanynda – «Bla Bla Bar» túngi klýby Sátpaev k-si, 1 A, «Sultan» meıramhanasy Qaldaıaqov k-si, 58, bar pab «Black Hall Bar» Qurmanǵazy k-si, 25, bar pab «Nebo bar gallery&terrace» Dostyq dańǵyly, 192/2;
- Áýezov aýdanynda- Aqsaı-3 shaǵyn aýdandaǵy 14 A úı meken jaıyndaǵy býkmekerlik keńseler jelisi, «Astana Plaza» shaǵynaýdany meıramhanasynyń janyndaǵy karaoke bary. Astana, 35, bılıard klýby Jandosov kóshesi, 59 V, býkmekerlik klýb shaǵyn aýdany. Jetisý, 3 úı 1b, karaoke klýby «Almaly» sh. a. Aqsaı, 1 A úı 11/2, «Altyn ǵasyr» laýnj bary sh. a. Aqsaı, 1A úı 15/1;
- Túrksib aýdanynda – «Zolotoı kývshın» dámhanasy, Aqan Seri kóshesi, 81;
- Bostandyq aýdanynda- «Chechilpub na Jarokova» Almagúl k-si, 18 a, «jungle» resto-bary Markov k-si, 61/2, «RiverHall» meıramhana kesheni. Kóktem2, 11/3 úı;
- Almaly aýdanynda-Nazarbaev dańǵyly, 113 «Mýzkýltýra» bary, Abylaı han dańǵyly, 92 «Lolita» bary, «Shashlykoff» bary, Tóle bı kóshesi, 89, «Academia» meıramhanasy Qabanbaı batyr kóshesi, 83, Bar&Grill «Fahrenhei T» Abylaı han dańǵyly, 96;
- Jetisý aýdanynda-Severnoe kolso k-si, 33 boıynsha fastfýd, Iаlıan bazaryndaǵy 16, 20 býtıkteri, «Azııa» ashanasy, «Iаlıan» bazary, Donernaıa jáne «Baısat» SÚ fastfýd, Aınabulaq 2, 84/4 úı mekenjaıyndaǵy «Degırmen» dámhanasy.
Sonymen qatar, 2020 jyldyń 9-10 qazanyna qaraǵan túni Medeý aýdanynda VNV túngi klýby men «Nebo» dámhanasynyń (burynǵy «the Artist») jumys istegeni anyqtaldy, onda shamamen 200-ge jýyq kelýshi bolǵan. Tekserý nátıjeleri boıynsha mekemeniń jumysy toqtatyldy, barlyq kelýshiler shyǵaryldy.
Barlyq nysandarda halyqtyń amandyǵy úshin sanıtarlyq-epıdemııalyq zańnamany saqtaý jáne jabyq úı-jaılarda maskalardy mindetti túrde kııý boıynsha túsindirý jumystary júrgiziledi. Osy baǵyttaǵy jumystar jalǵasýda.
Esterińizge sala keteıik, Almatyda koronavırýstyq ınfeksııa jaǵdaılaryn tirkeý jalǵasýda. Búgingi kúni COVID-19 boıynsha barlyǵy 14 454 jaǵdaıy tirkeldi.
Osyǵan baılanysty Almaty ákimdigi koronavırýs ınfeksııasynyń taralýyna jol bermeý maqsatynda karantındik sharalardy saqtaýdyń mańyzdylyǵyn eske salady. Qala turǵyndary men qonaqtaryn maska rejımin, áleýmettik qashyqtyqty qatań saqtaýǵa, sondaı-aq adamdar kóp jınalatyn oryndarǵa jáne juqtyrý qaýpi joǵary bolǵandyqtan qyzmetine tyıym salynǵan mekemelerge barýdan aýlaq bolýǵa shaqyrady. Bıznes sýbektileri sanıtarlyq-epıdemııalyq qaýipsizdiktiń barlyq talaptarynyń oryndalýyn qamtamasyz etýi qajet.
ALMATY
