Bas memlekettik dárigerdiń qaýlysyna sáıkes, Qazaqstan Respýblıkasynyń azamattary bolyp tabylmaıtyn tulǵalar Qazaqstannyń memlekettik shekarasyn kesip ótken sátten 72 saǵat erte ýaqyt ishinde alynǵan PTR ádisimen COVID-19-ǵa testileýden ótkeni týraly anyqtama bolmaǵan jaǵdaıda, qalaǵa kirýlerine jol berilmeıdi.
Shetelden anyqtamasyz kelgen QR azamattary áýejaı aýmaǵynan PTR-testileýdi ótkizý úshin jáne nátıjelerdi kútý kezeńinde áýejaı aýmaǵynan ýaqytsha karantınge ornalastyrylatyn bolady.
Osyǵan baılanysty Almaty halyqaralyq áýejaıynda sanıtarlyq-epıdemııalyq baqylaý boıynsha kúsheıtilgen sharalar qabyldandy. Áýejaı qyzmetteri men vedomstvolardyń fýnksıonaly boıynsha ózara is-qımyl algorıtmi ázirlendi jáne bekitildi: jelilik polısııa bólimi, shekara qyzmeti, sanıtarlyq-epıdemııalyq qyzmet. Ushyp kelý aımaǵynda halyqaralyq jolaýshylar áýe reısterimen keletin barlyq adamdardyń baılanyssyz termometrııasy júrgiziledi. Dene qyzýy joǵary adamdar nemese aýrý belgileri bar adamdar (jótel, entigý, tynys alýdyń qıyndaýy) anyqtalǵan jaǵdaıda jolaýshy Almaty áýejaıynyń ızolıatoryna nemese qalanyń ınfeksııalyq stasıonarlaryna ornalastyrylady, keıinnen tasymaldanady.
Almaty qalasy boıynsha taýarlar men qyzmetterdiń sapasy men qaýipsizdigin baqylaý departamentiniń aqparaty boıynsha, 2020 jylǵy 10 qazan saǵat 08.00-den 11 qazan saǵat 08.00-ge deıin shetelden Almatyǵa Reseı, Túrkııa, BAÁ, Ulybrıtanııa, Egıpet, Ýkraına men Germanııadan 12 áýe reısi keldi. Barlyǵy 1173 jolaýshy. PTR-test anyqtamalary joq 154 jolaýshy anyqtaldy, olar COVID-19-ǵa zerthanalyq tekserý úshin karantındik stasıonarlarǵa (qonaq úılerde) oqshaýlandy.
2020 jylǵy 06 qazan saǵat 00:00-den 12 qazan ( tańǵy 08.00-ge deıge deıin)aralyǵynda shetelden Almaty qalasyna 8207 jolaýshysy bar 66 áýe reısi keldi. PTR nátıjesi bar anyqtamasy joq 2362 jolaýshy oqshaýlandy, 9 adam (sheteldikter) deportasııalandy. Zerthanalyq tekserýden 2362 adam ótti, oń nátıje alynǵan 3 adam (Antalıa – Almaty-2, Dýbaı - Almaty reısi) qalanyń ınfeksııalyq stasıonarlaryna aýystyryldy, reıster boıynsha baılanysta bolǵan 40 adam ınkýbasııalyq kezeń ishinde baqylaýǵa alyndy.
Jalpy qala boıynsha 5 karantındik ortalyq ashyldy, medısınalyq personal bekitildi, PTR nátıjesinsiz kelgen adamdarǵa zerthanalyq tekserý júrgizý úshin eki zerthananyń materıalyn alý úshin toptar bólindi (Ulttyq saraptama ortalyǵy jáne monıtorıngtiń sanıtarlyq-epıdemııalyq saraptama ǵylymı-praktıkalyq ortalyǵy).
Almatyǵa keletin barlyq halyqaralyq áýe reısteri áýejaıda bolǵan barlyq ýaqyt ishinde maska kııý týraly talapty saqtaýǵa, sondaı-aq áleýmettik qashyqtyqty qatań saqtaýǵa shaqyrady.
Kúrdeli epıdemııalyq jaǵdaıdy jáne birqatar elderde koronavırýs ınfeksııasynyń ekinshi tolqynynyń bastalý yqtımaldylyǵyn eskere otyryp, qala turǵyndaryna týrıstik saparlardy keıinge qaldyrýǵa jáne shetelge shyqpaýǵa keńes beriledi.
