Kezdesý barysynda Memleket basshysy Q.Toqaevtyń 2020 jylǵy 1 qyrkúıektegi Joldaýyn iske asyrý sheńberinde qoǵamdyq baqylaýdy zańnamalyq bekitý máseleleri boıynsha tásilder men usynystar, sondaı-aq kvazımemlekettik sektorda qoǵamdyq keńester qurýǵa qatysty qoǵamdyq keńester ınstıtýtyn jetildirý máseleleri talqylandy.
Aıda Balaeva óz sózinde qoǵamdyq baqylaý ınstıtýtyn jetildirýdiń der kezinde jasalyp jatqanyn jáne mańyzdylyǵy men ózektiligin atap ótti.
Bolashaq zań jobasynyń maqsaty – qoǵamdyq baqylaý júıesiniń quqyqtyq negizin, sondaı-aq azamattyq qoǵamdy odan ári damytý úshin quqyqtyq jaǵdaılar jasaýdy aıqyndaý.
Zań jobasynyń mindetine biryńǵaı uǵymdyq apparatty qalyptastyrý, qoǵamdyq baqylaýdy júzege asyrý qaǵıdattarynyń biryńǵaı júıesin belgileý, sybaılas jemqorlyqqa qarsy kúreste qoǵamdyq kúsh-jigerdi biriktirýdiń quqyqtyq tetikterin jasaý, sondaı-aq qoǵamdyq baqylaý sýbektileri men obektileriniń fýnksııasyn, ókilettigi men jaýapkershiligin aıqyndaý kiredi.
Mınıstr A.Balaeva: "Memleket basshysynyń Joldaýyna sáıkes kvazımemlekettik sektorda qoǵamdyq keńester qurýdy kózdeıtin, sondaı-aq memlekettik organdardyń, kvazımemlekettik sektor sýbektileriniń memlekettik satyp alý jónindegi konkýrstyq komıssııalarǵa qatysý arqyly qoǵamdyq keńesterdiń ókilettikterin keńeıtetin zańǵa túzetýler ázirlenip jatyr. Búgingi tańda bul túzetýler kelisý rásiminen ótýde", dep atap ótti.
Is-shara barysynda Almaty qalasy Qoǵamdyq keńesiniń hatshysy, "Aqparattyq – resýrstyq ortalyq" qoǵamdyq qorynyń dırektory Kóbeeva Altynaı Ormanqalıqyzy, sondaı-aq Almaty qalasy Qoǵamdyq keńesiniń músheleri, "KAZBREND" qoǵamdyq qorynyń basqarma tóraǵasy Jazylbekov Nurlan Ábdijaparuly, "QazRENA" Qazaqstannyń Ǵylymı-bilim berý kompıýterlik jelisin paıdalanýshylar qaýymdastyǵynyń bas dırektory Djaparov Borıs Alıkenuly jáne "Qazaqstannyń daǵdarys ortalyqtary odaǵy" ZTB Basqarma Tóraǵasy Baısaqova Zýlfııa Muhamedbekqyzy sóz sóıledi. Is-shara sońynda mınıstr kezdesýdiń barlyq qatysýshylaryna belsendi qatysqany jáne qoǵamdyq iske jaýapty kózqarasy úshin alǵys bildirdi.
