Osy jyldyń 11 qazanynda Býrabaı aýdanynyń polısııa bólimine Shýche qalasynyń turǵyny ótinishpen júgingen. Ol óziniń Kaspi Gold kartasynda aqsha qarajatynyń joǵalǵanyn anyqtaǵan. Uıaly telefonynda Kaspi.kz qosymshasy ornatylǵan. Kartasynan 40 myń teńge aqsha qarajaty aýdarylǵan. Jedel-izdestirý is-sharalary barysynda Býrabaı aýdanynyń krımınaldyq polısııa qyzmetkerleri Shýchınsk qalasynyń 25 jastaǵy turǵyny – er adamdy anyqtap, ustady. Ol Shýchınsk qalasynda páterde, óziniń tanysy páter ıesiniń salǵyrttyǵyn paıdalanyp, onyń telefonyna qandaı porol tergenin kórip, onda ornalasqan qosymsha arqyly óziniń sheshesiniń kartasyna aqsha aýdarǵan.
Kúdiktige qatysty Qazaqstannyń QK 188-baby «Urlyq, ıaǵnı bótenniń múlkin jasyryn jymqyrý» boıynsha sotqa deıingi tergeý bastaldy, prosestik májbúrleý sharasy – «Kelý mindeti». Osyndaı jaǵdaılardy boldyrmaý jáne aqshańyzdy saqtap qalý úshin quqyq qorǵaý organdary múlkińizge muqııat bolýdy, senimdi parol ornatýdy, sondaı-aq ony aıyna keminde bir ret aýystyryp otyrýdy usynady.
