Aqparat jáne qoǵamdyq damý mınıstri Aıda Balaevanyń qatysýymen "Dostyq úıinde" ótken alqaly jıynǵa "Egemen Qazaqstan" respýblıkalyq gazeti" AQ Basqarma tóraǵasy Darhan Qydyráli, Qazaqstan Jazýshylary odaǵynyń tóraǵasy Ulyqbek Esdáýlet, Almaty oblysy ákiminiń orynbasary Rýstam Álı, «Qyzyl qar» romanynyń avtory Jumabaı Shashtaıuly, ádebıettanýshy ǵalym, professor Aıgúl Ysimaqova, birqatar respýblıkalyq buqaralyq aqparat quraldarynyń basshylary men Dýlat Isabekov, Smaǵul Elýbaı syndy belgili jazýshylar, ǵalymdar jáne basqa da shyǵarmashylyq zııaly qaýymnyń ókilderi qatysty.
Basqosýdy kirispe sózben ashqan Aıda Ǵalymqyzy kezinde "repressııaǵa ushyraǵan" kitaptyń táýelsizdiktiń arqasynda oqyrmanymen qaıta qaýyshýy mańyzdy jańalyq ekenine toqtaldy.
Sondaı-aq, mınıstr, ómirinde de, kórkem ádebıette de Jumabaı Shashtaıuly shynaıy pozısııany ustanatyn azamat, sonymen birge el jýrnalıstıkasynyń damýyna óz úlesin qosqan jýrnalıst ekendigin atap ótti.
«Qyzyl qar» atty debıýttik shyǵarmasy sonaý Keńes dáýiri kezeńinde jazylyp, sol tustaǵy joǵary syndylardyń synyna ilikkenin bilemiz», - dedi Aıda Balaeva.
Otyz jyldan keıin oqyrmanymen qaýyshqan kitaptyń tusaýkeserinde Qazaqstan Jazýshylary odaǵynyń tóraǵasy Ulyqbek Esdáýlet, jazýshy Smaǵul Elýbaı, ádebıettanýshy ǵalym Aıgúl Isimaqovalar sóz alyp, jazýshy Jumabaı Shashtaıulynyń shyǵarmashylyǵy týraly shynaıy tolǵady.
«Qyzyl qar» romany jýyq arada kitaphanalar men kitap dúkenderine jetkiziletin bolady.
ALMATY
