Qazaqstan táýelsizdik alǵanǵa deıin elimizde kásibı apattyq-qutqarý qyzmeti bolmaǵan edi. Adamdardy, qoǵamdy apattyq jaǵdaıdan qutqarý jumystaryn kóbine qoǵamdyq uıymdar, qutqarý beketteri atqaryp keldi. Bul qyzmettiń bir bóligi mılısııaǵa júkteldi.
Mine, osyndaı memlekettik mańyzy bar qyzmet júıesin jasaý úshin 1995 jyly Qazaqstan Respýblıkasy Prezıdentiniń Jarlyǵymen Qazaqstan Respýblıkasynyń tótenshe jaǵdaılar jónindegi memlekettik komıteti quryldy. Osy qujat negizinde 19 qazan Qutqarýshylar kúni bolyp belgilendi.
Tótenshe jaǵdaılar salasy úlken jaýapkershilikti talap etedi. Qaýipti qyzmet kez kelgen tosyn jaǵdaıdyń aldyn alyp, zardabyn joıýǵa úlken kúsh jumsaıdy. Apatqa ushyraǵandardy qutqaryp, alǵashqy járdem kórsetedi. Sol úshin de qutqarýshylar qajetti qural-jabdyqtarmen barynsha jaraqtandyrylýy tıis.
Búginde qutqarýshylar tótenshe jaǵdaılardy joıý jumystaryna qatysýǵa daıyn bolý úshin arnaıy, medısınalyq, psıhologııalyq ázirligin, avarııalyq-qutqarý qurylymdarynyń quramyndaǵy qyzmet daǵdylaryn únemi jetildirip otyrady.
Qutqarýshylardyń jumysy óz ómirine qaýipti bolyp keledi. Degenmen olardyń alǵa qoıǵan basty mindeti – halyqtyń tynysh ómirin, turmystaǵy, óndiristegi qaýipsizdigin qamtamasyz etip, apattyq jaǵdaıǵa jol bermeý.
