Búginde jalpy somasy 7,21 mlrd. teńgeni quraıtyn dári-dármekter men medısınalyq buıymdardy jetkizýge kelisimsharttar jasalǵan. Biryńǵaı dıstrıbıýtormen 6,2 mlrd teńge kóleminde dári-dármekter jáne medısınalyq maqsattaǵy buıymdar jetkizildi.
Búgingi tańda medısınalyq uıymdarda COVID-19 indetine qarsy eki aılyq dárilik zattar jáne medısınalyq buıymdar qory qalyptasty.
Atap aıtqanda, 2,1 mlrd teńgege dárilik zattar; 90 645 jeke qorǵaný quraldary jıyntyǵy; 3 219 121 dana medısınalyq betperde jáne 864 499 dana medısınalyq qolǵap alyndy.
Qaladaǵy dárihanalar, dári-dármekter qory men bólshek saýda baǵalaryna sáıkestigine qaraı monıtorıng jumystary júrgizilýde. Qazirgi tańda qala dárihanalarynda 1,7 mlrd.teńge kóleminde COVID-19 indetin emdeýge arnalǵan dári-dármek qory bar. Odan bólek, 6,3 mln. medısınalyq betperde qory qurylǵan. Qalada ornalasqan 2 óndirýshiniń óndiristik qýaty táýligine – 200 000 betperde.
Materıaldyq-tehnıkalyq jabdyqtaý boıynsha qalaǵa qosymsha 282 IVL alynyp, IVL sany 612 birlikke jetti (156 – DM, 126 – JB, 20 – demeýshiler). Jańadan 121 jedel járdem avtokóligi jetkizildi.
Qoryta aıtsaq, qalada medısına mekemeleri dári-dármek quraldarymen jáne medısınalyq buıymdarmen tolyq qamtamasyz etildi.
Sonymen qatar, qala turǵyndaryna Covid19shymkent.kz saıty iske qosyldy. Onda ár turǵyn qala dárihanalarynda dári-dármekterdiń qol jetimdiligi týraly aqparat alý múmkindigi bar.
