Senatorlar Memleket basshysynyń Joldaýyn iske asyrý aıasynda elimizdegi bilim men ǵylymnyń qazirgi jaǵdaıy men damý keleshegi máseleleri boıynsha Bilim jáne ǵylym mınıstrimen kezdesti.
Kezdesýge Parlament Senatynyń depýtattary, bilim jáne ǵylym, densaýlyq saqtaý, mádenıet jáne sport, aýyl sharýashylyǵy, qarjy, ulttyq ekonomıka, sıfrlyq damý, ekologııa mınıstrlikteriniń basshylary jáne bilim jáne ǵylym salasynyń ókilderi qatysty.
Depýtattar bilim jáne ǵylym salasyndaǵy ózekti máseleler men usynylǵan sheshimderdi bilim jáne ǵylym mınıstri A.Aımaǵambetovpen birlese otyryp talqyǵa saldy.
Sondaı-aq onlaın bilim berýdiń biryńǵaıplatformasyn ázirleý, qashyqtyqtan oqytýdy uıymdastyrý, sanıtarııalyq talaptardy saqtaı otyryp bilim alýdyń qalyptasqan dástúrli tásiline kóshý tártibin ázirleý, oqýshylardy qashyqtyqtan oqytýdy tehnıkalyq túrde súıemeldeý, ınternet baılanysynyń bolýy jáne kompıýterlermen qamtamasyz etý, qala men aýyl arasyndaǵy bilim berý sapasynyń alshaqtyǵyn qysqartý, balalardy mektepke deıingi uıymdarmen qamtamasyz etýdi uıymdastyrý, ǵylymdy qarjylandyrý jáne jas ǵalymdardy qoldaý, qashyqtan oqylatyn pánder máselelerine nazar aýdaryldy.
Senat depýtattary oqý quraldarynyń avtorlaryna qoıylatyn joǵary talaptarmen qatar elimizde sıfrlyq oqýlyqtardy qarqyndy engizý qajet dep sanaıdy. Bul ásirese Qazaqstanda jáne álemde koronavırýs pandemııasynyń ekinshi tolqyny baıqalǵan kezde qazaqstandyq balalar burynǵysynsha qashyqtyqtan bilim alyp jatqanda asa mańyzdy bolyp otyr.
Depýtat Dınar Nóketaeva erekshe qajettilikteri bar balalar týraly aıta kelip, osy máselege bilim jáne ǵylym mınıstriniń nazaryn aýdardy. A.Aımaǵambetov óz kezeginde elimizde 425 arnaıy uıym, 200 psıhologııalyq-pedagogıkalyq túzetý kabıneti, júzge jýyq arnaıy mektep, 38 arnaıy mektepke deıingi mekeme jáne erekshe qajettilikteri bar balalarmen aınalysatyn 14 ońaltý ortalyǵy jumys isteıtini týraly habardar etti.
Mınıstr sondaı-aq qazirgi ýaqytta ınternet jelisinde kámeletke tolmaǵandarǵa qatysty quqyqqa qarsy is-áreketter úshin qylmystyq jáne ákimshilik jaýapkershilikti kúsheıtetin áribalalardy kıberbýllıngten qorǵaý jónindegi erejelerdi zańnamalyq bekitý jumystaryjúrgizilip jatqanyn atap ótti.
Kezdesýde, ásirese, ǵylymdy damytý máseleleri belsendi túrde talqyǵa salyndy. Kezdesýge qatysýshylar qoldanbaly ǵylymǵa, ǵylymdy qarjylandyrý tetikterin jetildirýge, onyń ishinde ǵylymı qyzmet nátıjelerin kommersııalandyrýǵa basa nazar aýdarýdy usyndy.
