Jumys sapary barysynda Energetıka mınıstri "Hill Corporation" jaǵar maılar óndirisi boıynsha zaýyttyń jumysymen tanysty, "Standard Resursis – ÝgleHım" kómir-hımııa kombınatyn aralady, sondaı-aq metıl-tret-býtıl efırin (MTBE) jáne polıpropılen untaǵyn óndirý boıynsha zaýyttyń qurylys alańyna bardy, dep habarlaıdy QR EM baspasóz qyzmeti.
"Standard Resýrsız" JShS "STANDARD RESURSIS – ÝgleHım" motor otynyn jáne munaı-hımııa ónimderin óndirý úshin qýaty 100 myń.tonna bolatyn kómir-hımııa kombınaty jobasynyń bastamashysy bolyp tabylady. Joba Túrkistan oblysynyń Ordabasy aýdanynda júzege asyrylyp jatyr.
Nurlan Noǵaev "Ońtústik" AEA aralaý barysynda "Hill Corporation" maılaý materıaldaryn óndirý boıynsha zaýytqa, sondaı-aq metıl-tret-býtıl efırin jáne "Shymkent Hımııalyq kompanııasy" JShS júzege asyratyn polıpropılen untaǵyn óndirý boıynsha zaýytqa bardy.
"Hill Corporation" zaýyty údemeli ındýstrııalyq-ınnovasııalyq damý boıynsha baǵdarlamanyń sheńberinde salyndy. 2010 jylǵy 22 mamyrda resmı paıdalanýǵa berildi. Jobanyń ınvestısııalyq quny 50 mln. AQSh dollaryn qurady. Qazirgi ýaqytta zaýytta shamamen 300 adam jumys jasaıdy.
Qazaqstanda barlyǵy maılaý materıaldaryn óndirý boıynsha jalpy qýaty 145 myń.tonnany quraıtyn 4 kásiporyn jumys isteıdi, olar elimizdiń ishki naryǵynyń qajettiligin tolyǵymen qamtıdy.
"Shymkent Hımııalyq kompanııasy" JShS "Ońtústik" AEA aýmaǵynda metıl-tret-býtıl efırin jáne polıpropılen untaǵyn óndirý boıynsha jobany júzege asyrady.
Metıl-tret-býtıl efıri otynnyń oktandyq quramyn arttyratyn oksıgenerasııalyq untaq bolyp tabylady, untaq polıpropılen qapshyq, ydys, qubyr jáne t.b. óndirisine paıdalanylatyn polımerlik ónim bolyp tabylady. Jobanyń qýaty 57 000 tonna MTBE jáne 80 000 tonna polıpropılen untaǵyn óndirýge arnalǵan. Qazirgi ýaqytta obektide qurylys-montajdaý jumystary júrgizilip jatyr.
Sapar qorytyndysy boıynsha Nurlan Noǵaev munaı-hımııa salasyn budan ári damytý boıynsha birqatar naqty tapsyrmalar berdi.
