Jeńimpazdar men júldegerler halyqtyq daýys berý arqyly anyqtalǵan bolatyn. Osy saltanatqa arnalǵan marapattaý rásiminde Qaraǵandy oblysy ákiminiń orynbasary Abzal Núkenov jeńimpazdarǵa júldelerin tabys etti.
Bıylǵy baıqaýda elimizdiń túpkir-túpkirinen 300-den astam úmitker baq synady. Daýys berýdiń birinshi kezeńine qatysý múmkindigine 126 jas ıe bolsa, sheshýshi kezeńge 56 úmitker ótti.
Halyqtyq daýys berý qorytyndysyna sáıkes, «Jas daryn» atalymy boıynsha Mádı Pazyl men "Jas qalam" nomınasııasynda úzdik shyqqan Aqtoty Ábdikaharova bas júldege ıe boldy. Jeńimpazdardyń ekeýi de Qaraǵandy oblysynan.
– Jastar úshin XXI ǵasyr bilimge, mádenı baılyqqa, ınnovasııalar men óz betinshe bilim alýǵa umtylatyn zaman. Biz básekege qabiletti bolýǵa jáne óz elimizge paıdamyzdy tıgizýge mindettimiz, – deıdi Gran-prı ıegeri, Jańaarqa aýdanyndaǵy B.Amalbekov atyndaǵy orta mekteptiń oqýshysy Mádı Pazyl.
Sonymen qatar, Saıat Abdolla ("Jas bloger"), Baǵlan Jarkenov ("Úzdik erikti"), Samat Júsipov ("Úzdik IT-ıdeıa") jáne Mádına Qaırolla ("Jas qalam") syndy jas órender baıqaýdyń laýreattary atandy.
Qaraǵandy oblysy
