Baǵdarlamalar • 03 Qarasha, 2020

Mektep ashanalaryna qolma-qol aqshasyz tólem júıesi usynyldy

23 ret kórsetildi

Elordalyq kásipkerler Bıznestiń jol kartasy boıynsha grant alǵan jobalardy júzege asyra bastady, dep habarlaıdy Egemen.kz elorda ákimdiginiń baspasóz qyzmetine silteme jasap.

Diction Studio Gran jetekshisi Dinmuhamed Tóleshov "Bıznestiń jol kartasyna" bólingen granttyq qarajat boıynsha sheshendik ónerdi jáne akterlik sheberlikti úıretýge arnalǵan bilim berý aqparattyq platformasyn iske qosýdy josparlanýda.

"Pandemııa bastalǵan kezde bizdiń mektep offlaın rejıminde jumys isteı almady. Oqýshylarymyzǵa sabaq berý úshin jol izdedik. "Bıznestiń jol kartasy" bizge telefon arqyly arnaıy saıtqa kirip, barlyq daǵdylardy ıgerý úshin stýdentterge arnalǵan platforma qurýdy bastaýǵa múmkindik berdi", dedi Dinmuhamed Tóleshov.

Qazirgi ýaqytta quryltaıshylar eresekterge de, balalarǵa da arnalǵan platforma úshin biregeı mazmundy ázirleýmen aınalysady. Sonymen qatar, jobany ilgeriletý úshin marketıng jospary jasalýda.

"Qazǵylym" ǵylymı ortalyǵynyń jetekshisi Almas Jańuzaqov qyzy birinshi synypqa barǵanda mektep ashanalarynda oqýshylarǵa qolma-qol tólemsiz esep aıyrysý júıesin qurýdy oılaǵan.

"Qyzym birinshi synypta oqyp júrgende, aqsha esepteýdi bilmeıtindikten, ashanada tólem jasaý óte yńǵaısyz boldy", deıdi Almas Januzaqov joba ıdeıasy qalaı paıda bolǵany týraly.

BalaPay júıesi qazirdiń ózinde 50 mektepte jumys isteıdi. Qazirgi kezde onyń qoldanýshy bazasy 100 myń adamdy quraıdy. Olardyń besten biri ónimdi únemi qoldanady. Júıe bir kartamen qoǵamdyq kólikke aqy tóleýge, mekteptegi týrnıkettik júıeden ótýge jáne mektep ashanasynda tamaqtanýǵa tóleýge múmkindik beredi. Alaıda, bul ónim ata-analar men balalar úshin tegin qol jetimdi. Kompanııanyń mektep ashanalarymen kommersııalyq baılanysy bar.

"Ata-analar balanyń mektepten kirýi men shyǵýyn baqylaı alady, ónimderge, mólsherge shekteýler qoıa alady jáne balansty qadaǵalap, tolyqtyra alady. Iаǵnı, júıe aqsha aınalymyn tolyǵymen alyp tastaıdy. Balaǵa mektepte tamaqtaný úshin qolma-qol aqsha berýdiń qajeti joq", dep túsindirdi ǵylymı ortalyq jetekshisi.

Esterińizge sala keteıik, Nur-Sultanda ótken "Bıznestiń jol kartasy-2025" baıqaýynyń qorytyndysy boıynsha 57 grant ıegeri anyqtaldy.

Qazaqstanda "Bıznestiń jol kartasy" baǵdarlamasy 2010 jyldan beri jumys isteıdi. Jergilikti atqarýshy organdar bızneske granttarmen jáne ınfraqurylymdyq kómekpen qoldaý kórsetedi. Grant konkýrstaryna kásipkerler de, óz isin ashqysy keletin qazaqstandyqtar da, onyń ishinde áıelder, múmkindigi shekteýli adamdar jáne 50 jastan asqan adamdar da qatysa alady.

Sońǵy jańalyqtar

Uqsas jańalyqtar