Shymkent qalasynyń jedel járdem qyzmeti elimizde aldyńǵy qatarlardan kóringen. Baqytjan Joldasbekulynyń aıtýynsha, birqatar kórsetkishter boıynsha jedel járdem qyzmeti respýblıkada úzdik úshinshi orynda tur.
– Ulttyq shuǵyl medısınany úılestirý ortalyǵy barlyq óńirler boıynsha 9 aılyq kórsetkishti jarııa etti. Oǵan sáıkes, Nur-Sultan qalasy, Pavlodar oblysy jáne Shymkent qalasy úzdik úshtikti túıindep tur. Atap aıtqanda, sátti reanımasııalyq kómek, jedel járdemniń ýaqytyly jetýi, jedel járdem kóligi jáne mamandardyń qajetti qural-jabdyqtarmen qamtylýy jáne taǵy basqa kórsetkishter boıynsha jaqsy nátıjelerge jetip otyrmyz, dedi B. Pozılov.
Aıta ketsek, qalada búginde jedel járdem qyzmeti kúndelikti 1300 qońyraýǵa deıin qabyldaýda.
