Jalpy, bul jobanyń maqsaty Jetisý jeriniń kıeli jerlerin nasıhattaý arqyly ishki týrızimniń damýyna qoldaý kórsetý eken. Al túpki negizine aqparattyq jáne sıfrly tehnologııalar salasyndaǵy jastardyń sheberlikterin shyńdaý, sıfrly saýattylyqty ári Qazaqstannyń álemdik aqparattyq keńistiktegi ımıdjin qalyptastyrý sııaqty maǵyna jatyr.
Jańasha mazmundaǵy jarysty Almaty oblysynyń «Rýhanı jańǵyrý» jobalyq keńsesi uıymdastyrǵan. Jetisý topyraǵynda tuńǵysh ret ótken jarysqa respýblıkanyń ár óńirinen jıyrmadan astam dron sheberleri qatysty. Olar ushý, kedergilerdi eńserý, arnaıy tapsyrmany oryndaý sııaqty saıys erejelerin oryndap, ushý apparattaryn qanshalyqty basqara alatyndaryn dáleldedi. Drondar dodasynyń nátıjesinde anyqtalǵan úzdik sheberlerge berilip, baǵaly syılyqtarmen marapattaldy.
– Almaty oblysynyń «Rýhanı jańǵyrý» jobalyq keńsesi Jetisýdyń kıeli jerlerin el ishinde jáne shet memleketterde nasıhattaý arqyly ishki týrızmniń damýyna qoldaý kórsetýdi bastady. Sondyqtan robot tehnıkasy men pılotsyz ushý apparattaryn meńgerýdi dáripteý, tájirıbe almasý men jastardyń ǵylymı-zertteý jumystaryn qoldaý arqyly olardyń kásibı deńgeıin arttyrýdy basty maqsat etip otyr. Bul óńirdegi jastardyń aqparattyq jáne sıfrly tehnologııalar salasyndaǵy sheberligin shyńdaý, sıfrly saýattylyǵyn arttyrý ári otanymyzdyń álemdik aqparattyq keńistiktegi ımıdjin qalyptastyrýǵa oń yqpal etpek. Biz alǵash ret ótkizgen «JETİSÝ Eron dron» baıqaýyna qatysýshylar legi kóp boldy. Buıyrsa, bul jobanyń aýqymyn keńeıtip, dástúrli túrde ótkizsek degen oıymyz bar, – deıdi ıdeıa avtory Samat Jamanbaev.
Almaty oblysy
