Aımaqtar • 10 Qarasha, 2020

Shekteý sharalary qabyldandy

12 ret kórsetildi

О́ńirdegi Taýarlar men qyzmetter­diń sapasyn baqylaý departamentiniń málimetinshe, bıyl qazan-qarasha aralyǵynda oblys boıynsha respı­ratorlyq-vırýstyq ınfeksııalaryn juqtyrǵan degen kúdikpen 3 610 adam dárigerge qaralǵan. О́tken jyldyń osy merzimimen salystyrǵanda aýrýdy juqtyrýdyń ósimi baıqalýda.

Al qazir departament basshysy Batyrbek Álıevtiń aıtýynsha, maýsymdyq epıde­mııany boldyrmas úshin turǵyndardy egý jumystary júzege asyrylýda. Máselen, qyrkúıekten bastap oblys boıynsha 81 164 adam tumaýǵa qarsy vaksına alǵan.

Biraq qazirgi kúz aılarynda oblys tur­ǵyndary tumaý men koronavırýs­ty qatar juqtyrýy da múmkin. Bıylǵy epı­demııalyq maýsymnyń ereksheligi sol – aýada jańa koronavırýs ınfeksııasy jedel res­pı­ra­torlyq-vırýstyq ınfeksııalary men tu­maý­men birge taralady.

– Tumaýmen birge koronavırýs ınfeksııasymen aýrý qaýpi bar. О́ıtkeni eki vırýs ta jedel respıratorlyq-vırýstyq ınfeksııasy. Úırenshikti tumaý joǵary tynys joldaryn qabyndyrsa, al ekinshisi ókpege qaýip tóndiredi. Sondyqtan turǵyndarǵa qoǵamdyq oryndardan aýlaq bolyp, qoldy jıi jýyp, bólmelerdi jeldetip otyrý kerek. Kóshege shyǵar aldynda muryn qýysyna oksolın jaqpa maıyn jaǵyp, betperde taǵý qajet, – deıdi B.Álıev.

Densaýlyq saqtaý basqarmasynyń Lı­sen­zııalaý jáne dári-dármekpen qamta­ma­syz etý bóliminiń málimetinshe, qazir óńir­de medısınalyq qyzmetkerlerdiń de qaýip­sizdigi úshin barlyq shara jasal­ǵan. Oblysta indetttiń taralmaýyna oraı ja­salǵan 2 aılyq dári qory bar. Medısı­nalyq uıymdarda da dári-dármek jetkilikti.

– Bıyl oblystaǵy medısınalyq uıym­dar men «SK-Farmasııa» kompanııasy arasynda dári jetkizýge 6 mlrd teńgeden astam qarjyǵa kelisimshart jasaldy. Búginde 4,6 mlrd teńgege dári ákelindi. Mamyr-shilde aılarynda KVI juqtyrǵan naýqastardy emdeý úshin dárige qosymsha ótinishter berildi, – deıdi bólim basshysy Anar Omarova.

Onyń aıtýynsha, óńirdegi dári baǵa­syn turaqtandyrýǵa arnalǵan qor bar. Dáriha­na­lardyń bergen ótinishteri boıynsha qa­jetti preparattar ákelinedi. Turaq­tan­dy­rý qory 2,869 mln qaptama dári ákeldi. Qa­zir óńirdegi 212 dárihanaǵa bul dáriler jetkizildi. Barlyq dári-dármek Densaýlyq saqtaý mınıstrliginiń indet pen maýsymdyq tumaýdy emdeýge arnalǵan hattamasyna saı keledi.

О́ńirde medısınalyq uıymdardaǵy, aýrýhanalardaǵy, turaqtandyrý qorynda­ǵy dáriler turǵyndardy der kezinde emdeý úshin jetkilikti. Iаǵnı koronavırýstan basqa ­aýrýlar boıynsha dárimen qamtamasyz etý boıynsha másele joq. Bári jospardaǵydaı ótýde.

– Iá, árıne, dárilerge qatysty ótinishter men shaǵymdar da túsedi. Alaıda ol máse­leniń mán-jaıyn ashyp qaraý kerek. Keıde durys dárigerge qaralmaǵan, emdelýge dári taǵaıyndalmaǵan jaǵdaılar kezdesedi. Eger de emhanalar dári-dármek bermegen nemese ózge de dárimen qamtamasyz etýge qatysty máseleler týyndaǵan jaǵdaıda oblystyq densaýlyq saqtaý basqarmasynyń 32-00-17 jáne 32-00-18 nómirleri boıynsha habarlasýǵa bolady, – deıdi A.Omarova.

Al oblys ortalyǵyndaǵy «109» qyzme­tiniń basshysy Abzal Qabdrash ortalyq qyzmeti iske qosylǵan 1 naýryzdan búginge deıin 85 myń ótinish qabyldaǵan. Olardyń 25 myńy koronavırýs máselesine qatys­ty túsken. Turǵyndar, ásirese indet taraǵan sáýir-mamyr kezinde eń kóp qońyraý shalypty. Qazir kún saıyn 500-1500 shamasynda ótinish kelip túsedi eken.

– Aldaǵy ýaqytta «Sıfrly Qazaqstan» baǵdarlamasy boıynsha 101, 102, 103 jáne 109 dıspetcherlik qyzmetter «112» birtutas júıesine qosylady. Bul amerıkalyq «911» qyzmetiniń balamasy sekildi, – dedi ortalyq basshysy.

Sondaı-aq óńirge jumys saparymen kel­gen Qoǵamdyq baqylaý tobynyń úıles­tirý­shisi Saıda Táýekeleva da aýrýhanalardyń jab­dyqtalýyn, medısınalyq quraldar men dári-dármekterdiń daıyndyǵyn tekserip qaıtty.

Mysaly, Aqsý qalasynda indet órshigen ýaqytta 230 adam syıymdylyǵy bar provı­zor­lyq ortalyq jumys isteıdi. Búginde orta­­­lyqta 26 ókpeni jasandy jeldetý ap­pa­ra­­ty bar. Onyń 13-i indettiń boljamdy ekin­­shi tol­qynyna daıyndyq jaǵdaıyna alynǵan.

Qalalyq №2 aýrýhananyń bas dári­geri Maqsat Muqashevtiń aıtýynsha, indet órshigen ýaqytta 922 naýqas emde­lip shyq­qan. Oǵan 98 medısınalyq qyzmet­ker qyzmet kórsetken. Jergilikti bıýdjet ese­binen qosymsha ottegi konsentrator­lary, reanımasııalyq bólimshelediń qurylǵy­larmen qamtylýyna, sondaı-aq ıntensıvti terapııanyń qosymsha 18 adamǵa arnalǵan palatalaryna qarjy bólingen.

– Bizdiń maqsat – óńirdegi ár medısına­lyq ortalyqty tekserý arqyly dári-dármek qorymen, jalpy jumys jaǵdaıymen tanysý qajet. Aýrýhana menshiginde ne bar, ne joqtyǵyn bilý mańyzdy. О́ńirdegi Aqsý qalalyq emhanasyn, qalalyq jedel járdem stansasynyń jumysyna kóńilimiz toldy. Biz elimiz boıynsha monıtorıng júrgizip jatqandyqtan, salystyrmaly túrde baǵa berýimizge negiz bar, – dedi S.Táýekelova.

 

Pavlodar oblysy

 

Uqsas jańalyqtar