Qazaqstan Respýblıkasy Prezıdentiniń keıbir jarlyqtaryna ózgerister men tolyqtyrýlar engizý týraly
Qaýly etemin:
1. Qosa berilip otyrǵan Qazaqstan Respýblıkasy Prezıdentiniń keıbir jarlyqtaryna engiziletin ózgerister men tolyqtyrýlar bekitilsin.
2. Osy Jarlyq alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Prezıdenti N.NAZARBAEV.
Astana, Aqorda, 2013 jylǵy 21 qarasha. № 697
Qazaqstan Respýblıkasy Prezıdentiniń keıbir jarlyqtaryna ózgerister men tolyqtyrýlar engizý týraly
Qaýly etemin:
1. Qosa berilip otyrǵan Qazaqstan Respýblıkasy Prezıdentiniń keıbir jarlyqtaryna engiziletin ózgerister men tolyqtyrýlar bekitilsin.
2. Osy Jarlyq alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Prezıdenti N.NAZARBAEV.
Astana, Aqorda, 2013 jylǵy 21 qarasha. № 697
Qazaqstan Respýblıkasy Prezıdentiniń 2013 jylǵy 21 qarashadaǵy №697 Jarlyǵymen
BEKITILGEN
Qazaqstan Respýblıkasy Prezıdentiniń keıbir jarlyqtaryna engiziletin
О́ZGERISTER MEN TOLYQTYRÝLAR
1. «Qazaqstan Respýblıkasynyń memlekettik ákimshilik qyzmetshilerine tártiptik jaza qoldaný erejesin bekitý týraly» Qazaqstan Respýblıkasy Prezıdentiniń 1999 jylǵy 31 jeltoqsandaǵy № 321 Jarlyǵyna (Qazaqstan Respýblıkasynyń PÚAJ-y, 1999 j., № 58, 562-qujat.):
joǵaryda atalǵan Jarlyqpen bekitilgen Qazaqstan Respýblıkasynyń memlekettik ákimshilik qyzmetshilerine tártiptik jaza qoldaný qaǵıdalarynda:
5-tarmaq mynadaı redaksııada jazylsyn:
«5. Oblystardyń, astananyń, respýblıkalyq mańyzy bar qalanyń tekserý komıssııalary múshelerin, oblystyq mańyzy bar qalalardyń, oblystar aýdandary men qalalar aýdandarynyń ákimderin qospaǵanda, tártiptik jaýaptylyqqa ákep soǵatyn, Qazaqstan Respýblıkasy zańnamasynyń talaptaryn buzýǵa jol bergen «A» korpýsynyń qyzmetshilerine qatysty tártiptik isterdi Qazaqstan Respýblıkasynyń Prezıdenti janyndaǵy Kadr saıasaty jónindegi ulttyq komıssııa (budan ári – Ulttyq komıssııa) ne onyń tapsyrmasy boıynsha oblystyń, astananyń, respýblıkalyq mańyzy bar qalanyń kadr komıssııasy qaraıdy.»;
mynadaı mazmundaǵy 5-1-tarmaqpen tolyqtyrylsyn:
«5-1. Qazaqstan Respýblıkasynyń sybaılas jemqorlyqqa qarsy kúres zańnamasy men Ar-namys kodeksin qospaǵanda, tártiptik jaýaptylyqqa ákep soǵatyn, Qazaqstan Respýblıkasy zańnamasynyń talaptaryn buzýǵa jol bergen oblystardyń, astananyń, respýblıkalyq mańyzy bar qalanyń tekserý komıssııalary múshelerine, oblystyq mańyzy bar qalalardyń, oblystar aýdandary men qalalar aýdandarynyń ákimderine qatysty tártiptik isterdi oblystyń, astananyń, respýblıkalyq mańyzy bar qalanyń kadr komıssııasy (budan ári – О́ńirlik kadr komıssııasy) qaraıdy.»;
7-tarmaq mynadaı redaksııada jazylsyn:
«7. Tártiptik jaýaptylyqqa ákep soǵatyn, Qazaqstan Respýblıkasynyń sybaılas jemqorlyqqa qarsy kúres zańnamasy men Ar-namys kodeksi normalaryn buzýǵa jol bergen oblystardyń, astananyń, respýblıkalyq mańyzy bar qalanyń tekserý komıssııalary múshelerine, oblystyq mańyzy bar qalalardyń, oblystar aýdandary men qalalar aýdandarynyń ákimderine, S-O-1, S-O-2, S-O-3, S-O-4, C-R-1, C-R-2, D-1, D-2, D-3, D-O-1, D-O-2, D-O-3, E-1, E-2, E-3, E-R-1, E-R-2, E-G-1 sanattaryndaǵy qyzmetshilerge qatysty tártiptik isterdi Qazaqstan Respýblıkasy Memlekettik qyzmet isteri agenttiginiń Astana jáne Almaty qalalaryndaǵy, oblystardaǵy tártiptik keńesteri (budan ári – Tártiptik keńes) qaraıdy.»;
9-tarmaq mynadaı redaksııada jazylsyn:
«9. Osy Qaǵıdalardyń 2-tarmaǵy 3) tarmaqshasynda kórsetilgen laýazymdy adamǵa, tikeleı basshyǵa ne basqa laýazymdy adamdarǵa osy Qaǵıdalardyń 5, 5-1, 6, jáne 7-tarmaqtarynda kórsetilgen qyzmetshilerdiń tártiptik teris qylyqtary týraly málimetter belgili bolǵan jaǵdaıda quzyretine sáıkes Ulttyq komıssııaǵa, Ýákiletti organnyń komıssııasyna, О́ńirlik kadr komıssııasyna nemese Tártiptik keńeske dereý joldaýyna jatady.»;
21-tarmaq mynadaı redaksııada jazylsyn:
«21. Osy Qaǵıdalardyń 2-tarmaǵy 3) tarmaqshasynda kórsetilgen laýazymdy adam Ulttyq komıssııanyń, Ýákiletti organ komıssııasynyń, О́ńirlik kadr komıssııasynyń nemese Tártiptik keńestiń usynymdary men materıaldaryn qaraǵan kezde qyzmettik tekserýler júrgizilmeıdi.
Osy Qaǵıdalardyń 2-tarmaǵy 3) tarmaqshasynda kórsetilgen laýazymdy adam Ulttyq komıssııanyń, Ýákiletti organ komıssııasynyń, О́ńirlik kadr komıssııasynyń nemese Tártiptik keńestiń usynymyna sáıkes on jumys kúni ishinde tártiptik jaza qoldaný jóninde sheshim qabyldaıdy.
Qabyldanǵan sheshim týraly Ulttyq komıssııaǵa, Ýákiletti organnyń komıssııasyna, О́ńirlik kadr komıssııasyna nemese Tártiptik keńeske úsh jumys kúni ishinde habarlanady.»;
mynadaı mazmundaǵy 29-1-tarmaqpen tolyqtyrylsyn:
«29-1. Osy Qaǵıdalardyń 5-1-tarmaǵynda kórsetilgen qyzmetshilerdiń tártiptik teris qylyq jasaý faktileri boıynsha qyzmettik tekserýler osy Qaǵıdalarda belgilengen merzimde jáne tártipte О́ńirlik kadr komıssııasy tóraǵasynyń sheshimimen taǵaıyndalady.
О́ńirlik kadr komıssııasynyń tóraǵasy qyzmettik tekserý júrgizýdi quzyretterine sáıkes tıisti memlekettik organǵa nemese laýazymdy adamǵa, qyzmettik tekserýdi júrgizetin adamdardyń quramyna О́ńirlik kadr komıssııasy jumys organynyń ókilin engize otyryp, tapsyrýy múmkin.»;
mynadaı mazmundaǵy 30-1-tarmaqpen tolyqtyrylsyn:
«30-1. Osy Qaǵıdalardyń 5, 5-1 jáne 6-tarmaqtarynda kórsetilgen qyzmetshiler jazbasha túsiniktemelerinde teris qylyqty jasaý faktisimen kelisse, olardyń tártiptik teris qylyq jasaý faktileri boıynsha qyzmettik tekserýler taǵaıyndalmaýy múmkin.
Bul jaǵdaıda qyzmetshilerge qatysty materıaldar Ulttyq komıssııa tóraǵasynyń, ýákiletti organ basshysynyń, О́ńirlik kadr komıssııasy tóraǵasynyń sheshimimen osy Qaǵıdalardyń 2-tarmaǵy 3) tarmaqshasynda kórsetilgen laýazymdy adamǵa qyzmetshilerge qatysty tártiptik jaza qoldaný úshin joldanýy múmkin.»;
33 jáne 34-tarmaqtar mynadaı redaksııada jazylsyn:
«33. Ulttyq komıssııa, Ýákiletti organnyń komıssııasy, О́ńirlik kadr komıssııasy, Tártiptik keńes nemese Komıssııa teris qylyq týraly materıaldardy qaraǵanǵa deıin personaldy basqarý qyzmeti (kadr qyzmeti) ne ýákiletti laýazymdy adamdar qyzmetshiden jazbasha túsinikteme talap etedi.
34. О́zine qatysty qyzmettik tekserý júrgizilip jatqan qyzmetshiniń jazbasha túsinikteme berýden bas tartýy qyzmettik tekserý materıaldaryn Ulttyq komıssııanyń, Ýákiletti organ komıssııasynyń, О́ńirlik kadr komıssııasynyń, Tártiptik keńestiń, Komıssııanyń qaraýyna jiberýge jáne jaza qoldaný týraly sheshim qabyldaýǵa kedergi bola almaıdy. Bul jaǵdaıda personaldy basqarý qyzmetiniń (kadr qyzmetiniń) qyzmetkeri ne ýákiletti laýazymdy adamdar jazbasha túsinikteme berýden bas tartý týraly erkin nusqada akt jasaıdy.»;
58-tarmaqtyń ekinshi bóligi mynadaı redaksııada jazylsyn:
«Osy Qaǵıdalardyń 60-tarmaǵynda kórsetilgen adamdardy qospaǵanda, sybaılas jemqorlyq quqyq buzýshylyq jasaǵany úshin Ulttyq komıssııanyń, Ýákiletti organ komıssııasynyń, О́ńirlik kadr komıssııasynyń nemese Tártiptik keńestiń usynymy boıynsha jaza qoldanylǵan jaǵdaıda, jazany merziminen buryn alý Ulttyq komıssııanyń, Ýákiletti organ komıssııasynyń, О́ńirlik kadr komıssııasynyń nemese Tártiptik keńestiń kelisimimen júrgiziledi.».
2. «Memlekettik qyzmet ótkerý tártibi týraly erejeni bekitý týraly» Qazaqstan Respýblıkasy Prezıdentiniń 2000 jylǵy 10 naýryzdaǵy №357 Jarlyǵyna (Qazaqstan Respýblıkasynyń PÚAJ-y, 2000 j., № 15, 141-qujat):
joǵaryda atalǵan Jarlyqpen bekitilgen Memlekettik qyzmet ótkerý tártibi týraly erejede:
12-tarmaqtyń birinshi bóligi mynadaı redaksııada jazylsyn:
«12. «A» korpýsynyń memlekettik ákimshilik laýazymyna taǵaıyndaý kezinde, eger Qazaqstan Respýblıkasynyń zańdarynda jáne Prezıdenti aktilerinde ózge merzim belgilenbese, ol adammen tórt jyl merzimge, atalǵan merzimge bir retten artyq emes uzartý múmkindigimen eńbek sharty jasalady. Eńbek sharty osy Erejege qosymshaǵa sáıkes úlgilik eńbek shartynyń negizinde jasalady.»;
13-tarmaqta:
tórtinshi jáne besinshi bólikter mynadaı redaksııada jazylsyn:
«Eńbek shartynyń merzimi aıaqtalýynan keminde tórt aı buryn merzimde laýazymǵa taǵaıyndaýǵa jáne laýazymnan bosatýǵa quqyǵy bar adam (organ) memlekettik qyzmet isteri jónindegi ýákiletti organǵa «A» korpýsynyń memlekettik ákimshilik qyzmetshisimen eńbek shartynyń merzimin uzartý, eńbek shartyn buzý týraly negizdelgen usynys ne «A» korpýsynyń memlekettik ákimshilik qyzmetshisin rotasııalaý týraly usynys engizedi.
Qazaqstan Respýblıkasy Prezıdentiniń janyndaǵy Kadr saıasaty jónindegi ulttyq komıssııa (budan ári – Ulttyq komıssııa) «A» korpýsynyń memlekettik ákimshilik qyzmetshisiniń memlekettik qyzmetti odan ári ótkerýi týraly ne onyń memlekettik qyzmetti toqtatýy týraly usynym shyǵarady. Ulttyq komıssııa kórsetilgen ókilettikterdi laýazymǵa taǵaıyndaýǵa jáne laýazymnan bosatýǵa quqyǵy bar adamǵa (organǵa) berýge quqyly.»;
jetinshi bólik mynadaı redaksııada jazylsyn:
«Ortalyq atqarýshy organdardyń jaýapty hatshylarymen eńbek qatynastaryn uzartý, olardy atqaratyn laýazymynan merziminen buryn bosatý týraly máselelerdi sheshýdi Qazaqstan Respýblıkasynyń Prezıdenti júzege asyrady.»;
mynadaı mazmundaǵy 47, 48 jáne 49-tarmaqtarmen tolyqtyrylsyn:
«47. «A» korpýsynyń memlekettik ákimshilik qyzmetshisi laýazymdaryna taǵaıyndalǵanyn jáne (nemese) atalǵan laýazymdardan bosatylǵanyn rastaıtyn qujattar kóshirmeleri memlekettik qyzmet isteri jónindegi ýákiletti organǵa laýazymǵa taǵaıyndalǵan jáne (nemese) laýazymnan bosatylǵan kúninen bastap úsh jumys kúni ishinde tabys etiledi.
48. «A» korpýsynyń bos jáne ýaqytsha bos laýazymy paıda bolǵan kúnnen bastap eki aı ishinde oǵan ornalasý júzege asyrylmasa, osy laýazymǵa taǵaıyndaý quqyǵy bar adam (organ) kórsetilgen merzim aıaqtalǵannan keıin úsh jumys kúni ishinde bos laýazymnyń bolý sebepteri týraly Ulttyq komıssııaǵa aqparat engizedi.
49. Memlekettik qyzmetshi konkýrstyq irikteý, aýysý tártibimen jáne Qazaqstan Respýblıkasynyń zańnamasynda kózdelgen basqa da negizder boıynsha memlekettik laýazymnan bosatyla otyryp, bir mezgilde basqa memlekettik laýazymǵa ornalasqan jaǵdaıda, ol memlekettik qyzmetke qaıtadan kirgen dep sanalmaıdy.
Eger Qazaqstan Respýblıkasynyń zańnamasynda ózgeshe kózdelmese, bul jaǵdaılarda memlekettik qyzmetshige memlekettik qyzmetke kirý rásimderi, onyń ishinde arnaıy tekserýden ótý, tabystar jáne múlik týraly deklarasııany tapsyrý qoldanylmaıdy.».
3. «Memlekettik apparattyń jumysyn jaqsartý, tóreshildikke qarsy kúres jáne qujat aınalymyn qysqartý jónindegi sharalar týraly» Qazaqstan Respýblıkasy Prezıdentiniń 2000 jylǵy 31 shildedegi №427 Jarlyǵyna (Qazaqstan Respýblıkasynyń PÚAJ-y, 2000 j., №31, 377-qujat):
mynadaı mazmundaǵy 1-2-tarmaqpen tolyqtyrylsyn:
«1-2. «A» korpýsynyń jańa memlekettik ákimshilik laýazymdaryn engizý nemese olardyń sanyn ulǵaıtý týraly usynystardy Memleket basshysymen ne onyń ýákilettik berýimen Qazaqstan Respýblıkasynyń Prezıdenti janyndaǵy Kadr saıasaty jónindegi ulttyq komıssııamen kelissin.».
4. «Memlekettik qyzmettiń kadr rezervi týraly» Qazaqstan Respýblıkasy Prezıdentiniń 2003 jylǵy 4 jeltoqsandaǵy №1243 Jarlyǵyna (Qazaqstan Respýblıkasynyń PÚAJ-y, 2003 j., № 47, 524-qujat):
joǵaryda atalǵan Jarlyqpen bekitilgen Memlekettik qyzmettiń kadr rezervi týraly erejede:
5-tarmaq mynadaı mazmundaǵy 1-1) tarmaqshamen tolyqtyrylsyn:
«1-1) «A» korpýsynyń kadr rezervinen «A» korpýsynyń memlekettik ákimshilik laýazymyna ornalasýy;»;
mynadaı mazmundaǵy 5-1-tarmaqpen tolyqtyrylsyn:
«5-1. Memlekettik qyzmet isteri jónindegi ýákiletti organ «A» korpýsynyń kadr rezervinen rezervshilerdi shyǵarý úshin jartyjyldyq negizde málimetterdiń monıtorıngin, onyń ishinde quqyqtyq statıstıka jáne arnaıy esepke alý salasynda qyzmetti júzege asyratyn memlekettik organǵa suratý joldaý arqyly júrgizedi.
Monıtorıng qorytyndylary boıynsha aqparat esepti aıdan keıingi aıdyń 25-kúnine Ulttyq komıssııanyń jumys organyna engiziledi.»;
8-tarmaq mynadaı mazmundaǵy 1-1) tarmaqshamen tolyqtyrylsyn:
«1-1) «A» korpýsynyń kadr rezervine alynǵan;»;
mynadaı mazmundaǵy 8-1-tarmaqpen tolyqtyrylsyn:
«8-1. «A» korpýsynyń kadr rezervine alynǵan azamattar «B» korpýsynyń kadr rezervine «B» korpýsynyń memlekettik ákimshilik laýazymynyń tıisti sanatyna qoıylatyn úlgilik biliktilik talaptaryna saı bolǵan jaǵdaıda testileýden ótpeı alynýy múmkin.
«B» korpýsynyń kadr rezervine kórsetilgen azamattardy alý memlekettik qyzmet isteri jónindegi ýákiletti organ bekitken nysan boıynsha olar memlekettik qyzmet isteri jónindegi ýákiletti organǵa tıisti ótinish bergen soń júzege asyrylady.
«A» korpýsynyń kadr rezervinde bolý kezeńinde azamattar «B» korpýsynyń kadr rezervine testileýsiz bir retten artyq alynbaıdy. Azamattardyń Qazaqstan Respýblıkasynyń zańdarynda jáne osy Erejede kózdelgen ózge jaǵdaılarda «B» korpýsynyń kadr rezervine alyný quqyǵy saqtalady.»;
40-tarmaq mynadaı redaksııada jazylsyn:
«40. Memlekettik organ qabyldanǵan sheshim týraly memlekettik qyzmet isteri jónindegi ýákiletti organdy nemese onyń aýmaqtyq organyn rezervshiler tizimin alǵan kúnnen bastap on bes jumys kúni ishinde habardar etýge mindetti.»;
43-tarmaqtyń 1) tarmaqshasy mynadaı redaksııada jazylsyn:
«1) «B» korpýsynyń kadr rezervinen memlekettik ákimshilik laýazymǵa ornalasqan;».
5. «Qazaqstan Respýblıkasy Memlekettik qyzmet isteri agenttiginiń oblystardaǵy, Astana jáne Almaty qalalaryndaǵy tártiptik keńesteri jáne Qazaqstan Respýblıkasy Prezıdentiniń keıbir jarlyqtaryna ózgerister men tolyqtyrýlar engizý týraly» Qazaqstan Respýblıkasy Prezıdentiniń 2005 jylǵy 30 maýsymdaǵy № 1598 Jarlyǵyna (Qazaqstan Respýblıkasynyń PÚAJ-y, 2005 j., № 27, 329-qujat):
joǵaryda atalǵan Jarlyqpen bekitilgen Qazaqstan Respýblıkasy Memlekettik qyzmet isteri agenttiginiń oblystardaǵy, Astana jáne Almaty qalalaryndaǵy tártiptik keńesteri týraly erejede:
3-tarmaq mynadaı redaksııada jazylsyn:
«3. Tártiptik keńes tártiptik jaýaptylyqqa ákep soǵatyn, Qazaqstan Respýblıkasynyń sybaılas jemqorlyqqa qarsy zańnamasy men Ar-namys kodeksiniń normalaryn buzýǵa jol bergen, oblystardyń ákimshilik ortalyǵy bolyp tabylatyn qalalardyń ákimderine, oblystardyń, astananyń, respýblıkalyq mańyzy bar qalanyń tekserý komıssııalary múshelerine, oblystyq mańyzy bar qalalardyń, oblystardaǵy aýdandar jáne qalalardaǵy aýdandar ákimderine, S-O-1, S-O-2, S-O-3, S-O-4, C-R-1, C-R-2, D-1, D-2, D-3, D-O-1, D-O-2, D-O-3, E-1, E-2, E-3, E-R-1, E-R-2, E-G-1 sanattaryndaǵy memlekettik qyzmetshilerge, quqyq qorǵaý organdarynyń qyzmetkerlerine, sondaı-aq memlekettik fýnksııalardy oryndaýǵa ýákiletti ózge de adamdarǵa (Parlament jáne máslıhat depýtattarynan, sýdıalardan basqa) jáne Qazaqstan Respýblıkasynyń sybaılas jemqorlyqqa qarsy kúres týraly zańnamasyna sáıkes olarǵa teńestirilgen adamdarǵa qatysty tártiptik isterdi qaraıdy.».
6. «Qazaqstan Respýblıkasynyń Prezıdenti janyndaǵy Kadr saıasaty jónindegi ulttyq komıssııa jáne oblystardyń, astananyń, respýblıkalyq mańyzy bar qalanyń kadr komıssııalary týraly» Qazaqstan Respýblıkasy Prezıdentiniń 2013 jylǵy 7 naýryzdaǵy №520 Jarlyǵyna (Qazaqstan Respýblıkasynyń PÚAJ-y, 2013 j., №19, 319-qujat):
joǵaryda atalǵan Jarlyqpen bekitilgen Qazaqstan Respýblıkasynyń Prezıdenti janyndaǵy Kadr saıasaty jónindegi ulttyq komıssııa týraly erejede:
9-tarmaq mynadaı redaksııada jazylsyn:
«9. Ulttyq komıssııa tóraǵasynyń tapsyrmasy boıynsha Ulttyq komıssııa músheleriniń syrttaı daýys berýi ótkizilýi múmkin.
Ulttyq komıssııanyń otyrysy nemese syrttaı daýys berý onyń quramynyń jalpy sanynyń keminde úshten ekisi otyrysqa qatysqan nemese syrttaı daýys berýge qatysqan jaǵdaıda zańdy bolyp tabylady. Ulttyq komıssııanyń músheleri otyrystarǵa jáne syrttaı daýys berýge aýysý quqyǵynsyz qatysady.
Ulttyq komısssııa músheleriniń syrttaı daýys berý merzimi Ulttyq komıssııa múshelerine materıaldar jiberilgen kúnnen bastap úsh jumys kúninen aspaýy tıis.
Syrttaı daýys berý merzimi aıaqtalǵanǵa deıin Ulttyq komıssııa músheleri óz pikirlerin Ulttyq komıssııanyń jumys organyna jazbasha túrde joldaıdy.
Kórsetilgen merzimde jaýap usynylmaǵan jaǵdaıda Ulttyq komıssııa múshesi sheshim jobasyn qabyldaýǵa daýys berdi dep sanalady.
Ulttyq komıssııanyń sheshimderi ashyq daýys berý nemese syrttaı daýys berý arqyly Ulttyq komıssııa otyrysyna qatysýshy nemese daýys berýge qatysýshy músheleriniń jalpy sanynyń qarapaıym kópshilik daýysymen qabyldanady. Daýystar teń bolǵan jaǵdaıda tóraǵanyń daýysy sheshýshi bolyp tabylady.»;
joǵaryda atalǵan Jarlyqpen bekitilgen Oblystyń, astananyń, respýblıkalyq mańyzy bar qalanyń kadr komıssııasy týraly úlgilik erejede:
3-tarmaq mynadaı mazmundaǵy 1-1) tarmaqshamen tolyqtyrylsyn:
«1-1) Qazaqstan Respýblıkasynyń sybaılas jemqorlyqqa qarsy zańnamasy men Ar-namys kodeksiniń normalaryn buzýshylyqtardy qospaǵanda, tártiptik jaýaptylyqqa ákep soǵatyn, Qazaqstan Respýblıkasy zańnamasynyń talaptaryn buzýǵa jol bergen oblystardyń, astananyń, respýblıkalyq mańyzy bar qalanyń tekserý komıssııalary múshelerine, oblystyq mańyzy bar qalalardyń, oblystardaǵy aýdandar men qalalardaǵy aýdandar ákimderine qatysty tártiptik isterdi qaraý;».
7. «A» korpýsynyń memlekettik ákimshilik qyzmetiniń kadr rezervine irikteý jáne «A» korpýsynyń bos jáne ýaqytsha bos memlekettik ákimshilik laýazymyna ornalasýǵa konkýrs ótkizý qaǵıdalaryn bekitý týraly» Qazaqstan Respýblıkasy Prezıdentiniń 2013 jylǵy 22 naýryzdaǵy №524 Jarlyǵyna (Qazaqstan Respýblıkasynyń PÚAJ-y, 2013 j., №19, 321-qujat):
joǵaryda atalǵan Jarlyqpen bekitilgen «A» korpýsynyń memlekettik ákimshilik qyzmetiniń kadr rezervine irikteý jáne «A» korpýsynyń bos jáne ýaqytsha bos memlekettik ákimshilik laýazymyna ornalasýǵa konkýrs ótkizý qaǵıdalarynda:
3-tarmaq mynadaı redaksııada jazylsyn:
«3. «A» korpýsynyń bos jáne ýaqytsha bos memlekettik ákimshilik laýazymyna (budan ári – «A» korpýsynyń laýazymy) konkýrstyq irikteýdi «A» korpýsynyń kadr rezervine alynǵan azamattar arasynan osy laýazymǵa taǵaıyndaý quqyǵy bar adam (organ) júzege asyrady.»;
7-tarmaq mynadaı redaksııada jazylsyn:
«7. «A» korpýsynyń kadr rezervine irikteý memlekettik organdardyń «A» korpýsynyń laýazymdaryna ornalasý qajettigi, «A» korpýsynyń kadr rezervine alynǵan azamattardyń sany eskerilgen Ulttyq komıssııanyń usynysy boıynsha Qazaqstan Respýblıkasynyń Prezıdenti ózgeshe belgilemese, eki jylda bir retten jıi ótkizilmeıdi.»;
11-tarmaq mynadaı redaksııada jazylsyn:
«11. «A» korpýsynyń kadr rezervine irikteýge qatysýǵa nıet bildirgen azamattar ýákiletti organǵa nemese onyń aýmaqtyq bólimshelerine mynadaı qujattardy usynady:
1) jeke kýáliginiń kóshirmesi;
2) memlekettik qyzmet isteri jónindegi ýákiletti organ belgilegen nysandaǵy ótinish;
3) bilimi týraly qujattardyń notarıat ne jumys orny boıynsha kadr qyzmeti kýálandyrǵan kóshirmeleri;
4) notarıat nemese jumys orny boıynsha kadr qyzmeti kýálandyrǵan ne zańnamada belgilengen ózge de tártippen rastalǵan eńbek qyzmetin rastaıtyn qujattyń kóshirmesi, memlekettik qyzmet isteri jónindegi ýákiletti organ aıqyndaıtyn nysan boıynsha «A» korpýsynyń kadr rezervine kandıdattyń qyzmettik tizimi;
5) «A» korpýsynyń kadr rezervine kandıdatty usynǵan laýazymdy adamnyń nemese ol jumys isteıtin uıymnyń blankisinde resimdelgen, qoly qoıylǵan kúni, kandıdattyń tegi, aty jáne ákesiniń aty, onyń kásibı jáne jeke basynyń qasıetteri, tanysý, qyzmettes bolý uzaqtyǵy men jaǵdaılary jazylǵan minezdemesi kórsetilgen usynymhat (keminde bireý). Usynymhattyń qoldanylý merzimi oǵan qol qoıylǵan kúnnen bastap úsh aıdan aspaıdy;
6) ómirbaıan;
7) Ulttyq komıssııanyń sheshimimen aıqyndalatyn qujattar.»;
12-tarmaq mynadaı mazmundaǵy ekinshi bólikpen tolyqtyrylsyn:
«Azamattarǵa usynymhat bergennen keıin olarǵa qatysty sottyń aıyptaý úkimi zańdy kúshine engen bolsa, buryn usynymhat bergen adamnyń usynymhaty Ulttyq komıssııa sheshimi negizinde qaraýǵa qabyldanbaıdy.»;
13-tarmaq mynadaı redaksııada jazylsyn:
«13. Osy Qaǵıdalardyń 11-tarmaǵy 1)-6) tarmaqshalarynda kórsetilgen qujattardyń bireýi bolmasa nemese qujattar qoıylǵan talaptarǵa sáıkes kelmese, kandıdatty «A» korpýsynyń kadr rezervine irikteýge qatystyrýdan bas tartylady.»;
15-tarmaqtyń birinshi bóligi mynadaı redaksııada jazylsyn:
«15. Qujattar «A» korpýsynyń kadr rezervine irikteý ótkizý týraly habarlandyrý jarııalanǵan kúnnen bastap kúntizbelik on bes kún ishinde qolma-qol, pochtamen nemese elektrondyq pochta arqyly qabyldanady.»;
17 jáne 18-tarmaqtar mynadaı redaksııada jazylsyn:
«17. Memlekettik qyzmet isteri jónindegi ýákiletti organ nemese onyń aýmaqtyq bólimsheleri qujattardy qabyldaý aıaqtalǵannan keıin on jumys kúni ishinde kandıdattardyń qujattaryn «A» korpýsynyń laýazymdaryna qoıylatyn arnaıy biliktilik talaptaryna, «Memlekettik qyzmet týraly» Qazaqstan Respýblıkasy Zańynyń 10-baby 4-tarmaǵynyń jáne 13-baby 1-tarmaǵynyń talaptaryna sáıkestigin qaraıdy.
18. Memlekettik qyzmet isteri jónindegi ýákiletti organ nemese onyń aýmaqtyq bólimsheleri qujattardy qaraý qorytyndylary boıynsha bes jumys kúni ishinde kandıdattardy testileýge qatysýǵa jiberý ne jiberýden bas tartý týraly sheshim qabyldaıdy.»;
mynadaı mazmundaǵy 19-1-tarmaqpen tolyqtyrylsyn:
«19-1. Memlekettik qyzmet isteri jónindegi ýákiletti organnyń aýmaqtyq bólimsheleriniń testileýge jiberýden bas tartý týraly sheshimine kandıdat memlekettik qyzmet isteri jónindegi ýákiletti organǵa kandıdat tıisinshe habarlandyrylǵan kúnnen bastap úsh jumys kúni ishinde shaǵymdana alady.
Osy Qaǵıdalarda tıisinshe habarlandyrý dep adamnyń ózine nemese onymen birge turatyn kámeletke tolǵan otbasy músheleriniń birine qolhatpen berý arqyly hat, tapsyrys hat nemese jedelhat tabystap, habarlandyrý túsiniledi.
Memlekettik qyzmet isteri jónindegi ýákiletti organ túsken shaǵymdy túsken kúninen bastap bes jumys kúni ishinde qarap, kandıdatty testileýge qatysýǵa jiberý ne jiberýden bas tartý týraly tıisti sheshim qabyldaıdy.»;
24 jáne 25-tarmaqtar mynadaı redaksııada jazylsyn:
«24. Memlekettik qyzmet isteri jónindegi ýákiletti organ osy Qaǵıdalardyń 23-tarmaǵynda kórsetilgen tizbe negizinde tıisti memlekettik organdarǵa jazbasha suratý joldaıdy, olar Ulttyq komıssııa belgilegen merzimder ishinde málimetter usynady.
25. Memlekettik qyzmet isteri jónindegi ýákiletti organ, eger Ulttyq komıssııa ózgeshe belgilemese, osy Qaǵıdalardyń 24-tarmaǵyna sáıkes memlekettik organdardan málimetterdi alǵan kúnnen bastap on bes jumys kúni ishinde Ulttyq komıssııanyń jumys organyna testileýden oń nátıjeler alǵan kandıdattardyń tizimin joldaıdy.
Osy tizimge kandıdattardyń qujattary, olardyń testileý nátıjeleri jáne osy Qaǵıdalardyń 23-tarmaǵyna sáıkes aıqyndalatyn ózge de málimetter qosa beriledi.»;
mynadaı mazmundaǵy 36-1-tarmaqpen tolyqtyrylsyn:
«36-1. Ulttyq komıssııa usynǵan azamattar «A» korpýsynyń kadr rezervine irikteýge qatysý týraly ótinishterinde ózderi kórsetken «A» korpýsynyń memlekettik ákimshilik laýazymdarynyń sanaty, sanatyndaǵy toby boıynsha «A» korpýsynyń kadr rezervine alynady.
Ulttyq komıssııa azamattardy olardyń kelisimi bolǵan jáne olar arnaıy biliktilik talaptaryna saı kelgen jaǵdaıda «A» korpýsynyń memlekettik ákimshilik laýazymdarynyń basqa sanaty, sanatyndaǵy toby boıynsha kadr rezervine alý úshin usynym jasaýǵa quqyly.»;
37-tarmaqtyń birinshi bóligi mynadaı redaksııada jazylsyn:
«37. «A» korpýsynyń bos jáne ýaqytsha bos laýazymyna konkýrstyq irikteýdi osy laýazymǵa taǵaıyndaýǵa quqyǵy bar adam (organ), ne ol ýákilettik bergen adam ótkizedi.»;
38-tarmaq mynadaı redaksııada jazylsyn:
«38. Memlekettik organnan jazbasha suratý alǵan kúnnen bastap úsh jumys kúni ishinde memlekettik qyzmet isteri jónindegi ýákiletti organ «A» korpýsynyń kadr rezervine alynǵan azamattardyń (budan ári – «A» korpýsynyń rezervshileri) tizimin jáne olardyń bilimi, olar «A» korpýsynyń kadr rezervine alynǵan «A» korpýsynyń memlekettik ákimshilik laýazymdarynyń sanaty, sanatyndaǵy toby, kadr rezervine alyný sátindegi atqaratyn laýazymdary týraly málimetter, sondaı-aq olardyń eńbek qyzmeti týraly qujattyń elektrondyq nusqasyn usynady.»;
mynadaı mazmundaǵy 39-1-tarmaqpen tolyqtyrylsyn:
«39-1. «A» korpýsynyń memlekettik ákimshilik laýazymdaryna «A» korpýsynyń rezervshilerin taǵaıyndaý, olar «A» korpýsynyń kadr rezervine alynǵan «A» korpýsynyń memlekettik ákimshilik laýazymdar sanaty, sanatyndaǵy toby sheginde arnaıy biliktilik talaptaryna sáıkes bolǵan jaǵdaıda jáne olardyń kelisimimen júzege asyrylady.
«A» korpýsynyń rezervshileri «A» korpýsynyń memlekettik ákimshilik laýazymynyń tómengi sanatyna, «A» korpýsynyń memlekettik ákimshilik laýazymdarynyń bir sanatyndaǵy tómengi tobyna arnaıy biliktilik talaptaryna saı bolǵan jaǵdaıda jáne olardyń kelisimimen taǵaıyndalýy múmkin.
«A» korpýsynyń rezervshileri Ulttyq komıssııanyń kelisimimen «A» korpýsynyń memlekettik ákimshilik laýazymynyń joǵary sanatyna, «A» korpýsynyń memlekettik ákimshilik laýazymdarynyń bir sanatyndaǵy joǵary tobyna arnaıy biliktilik talaptaryna saı bolǵan jaǵdaıda jáne olardyń kelisimimen taǵaıyndalýy múmkin.»;
40-tarmaq mynadaı redaksııada jazylsyn:
«40. «A» korpýsynyń laýazymyna taǵaıyndaý qoldanystaǵy zańnamanyń talaptary eskerile otyryp, osy laýazymǵa taǵaıyndaý quqyǵy bar adamnyń (organnyń) sheshimimen júzege asyrylady.
«A» korpýsynyń laýazymyna taǵaıyndaýdy rastaıtyn qujattyń kóshirmesi laýazymǵa taǵaıyndalǵan kúnnen bastap úsh jumys kúni ishinde memlekettik qyzmet isteri jónindegi ýákiletti organǵa usynylady.».
