2013 jylǵy 26 qyrkúıek, Astana qalasy
Adam quqyqtary jónindegi ýákil janyndaǵy Úılestirý keńesi týraly erejeni bekitý týraly
Qazaqstan Respýblıkasynyń Qylmystyq-atqarý kodeksiniń 21-2-baby, «Halyqtyń densaýlyǵy jáne densaýlyq saqtaý júıesi týraly» Qazaqstan Respýblıkasy kodeksiniń 184-2-baby, «Alkogolızmge, nashaqorlyq pen ýytqumarlyq dertine shaldyqqan aýrýlardy eriksiz emdeý týraly» Qazaqstan Respýblıkasy Zańynyń 10-2-baby, «Adamdardy qoǵamnan ýaqytsha oqshaýlaýdy qamtamasyz etetin arnaýly mekemelerde ustaý tártibi men sharttary týraly» Qazaqstan Respýblıkasy Zańynyń 46-11-baby, «Qazaqstan Respýblıkasyndaǵy balanyń quqyqtary týraly» Qazaqstan Respýblıkasy Zańynyń 47-2-baby, «Kámeletke tolmaǵandar arasyndaǵy quqyq buzýshylyqtardyń profılaktıkasy men balalardyń qadaǵalaýsyz jáne panasyz qalýynyń aldyn alý týraly» Qazaqstan Respýblıkasy Zańynyń 27-babyn iske asyrý maqsatynda:
1. Qosa berilgen Adam quqyqtary jónindegi ýákil janyndaǵy Úılestirý keńesi týraly ereje bekitilsin.
2. Osy ókim onyń birinshi ret resmı jarııalanǵan kúninen bastap on kúntizbelik kún ótkende qoldanysqa enedi.
A. ShÁKIROV.
Adam quqyqtary jónindegi ýákildiń 2013 jylǵy 26 qyrkúıektegi №18 ókimimen bekitilgen
Adam quqyqtary jónindegi ýákil janyndaǵy Úılestirý keńesi týraly ereje
1. Jalpy erejeler
1. Adam quqyqtary jónindegi ýákil janyndaǵy Úılestirý keńesi týraly ereje (budan ári – Ereje) Adam quqyqtary jónindegi ýákil janyndaǵy Úılestirý keńesi qyzmetiniń maqsatyn, mindetterin, fýnksııalaryn, quqyqtyq jáne uıymdyq negizderin aıqyndaıdy.
2. Adam quqyqtary jónindegi ýákil janyndaǵy Úılestirý keńesi (budan ári – Úılestirý keńesi) týraly ereje Qazaqstan Respýblıkasynyń Qylmystyq-atqarý kodeksiniń 21-2-baby, «Halyqtyń densaýlyǵy jáne densaýlyq saqtaý júıesi týraly» Qazaqstan Respýblıkasy kodeksiniń 184-2-baby, «Alkogolızmge, nashaqorlyq pen ýytqumarlyq dertine shaldyqqan aýrýlardy eriksiz emdeý týraly» Qazaqstan Respýblıkasy Zańynyń 10-2–baby, «Adamdardy qoǵamnan ýaqytsha oqshaýlaýdy qamtamasyz etetin arnaýly mekemelerde ustaý tártibi men sharttary týraly» Qazaqstan Respýblıkasy Zańynyń 46-11–baby, «Qazaqstan Respýblıkasyndaǵy balanyń quqyqtary týraly» Qazaqstan Respýblıkasy Zańynyń 47-2-baby, «Kámeletke tolmaǵandar arasyndaǵy quqyq buzýshylyqtardyń profılaktıkasy men balalardyń qadaǵalaýsyz jáne panasyz qalýynyń aldyn alý týraly» Qazaqstan Respýblıkasy Zańynyń 27-babyna sáıkes ázirlengen.
3. Úılestirý keńesi Adam quqyqtary jónindegi ýákil janynda konsýltatıvtik-keńestik organ retinde, ulttyq aldyn alý tetiginiń qyzmetin tıimdi úılestirý maqsatynda ulttyq aldyn alý tetigine qatysýshylardyń qyzmeti arqyly jumys isteıtin, azaptaýlardyń jáne basqa da qatygez, adamgershilikke jatpaıtyn nemese ar-namysty qorlaıtyn is-áreketter men jazalaý túrlerin aldyn alý júıesi retinde qurylady.
4. Úılestirý keńesine:
1) zańda belgilengen tártippen ótelmegen nemese alynbaǵan sottylyǵy bar;
2) qylmys jasaýda kúdikti nemese aıyp taǵylyp otyrǵan;
3) sotpen áreketke qabiletsiz nemese áreketke qabilettiligi shektelgen dep tanylǵan;
4) psıhıatrda jáne (nemese) narkologta esepte turatyn tulǵalar múshe bola almaıdy.
5. Úılestirý keńesine sondaı-aq qasaqana qylmys jasaǵany úshin aqtalmaıtyn negizder boıynsha qylmystyq jaýapkershilikten bosatylǵan; jaǵymsyz sebeptermen memlekettik nemese áskerı qyzmetten, quqyq qorǵaý jáne arnaıy memlekettik organdardan, sottardan bosatylǵan nemese advokattar kollegııasynan shyǵarylǵan; advokattyq qyzmetpen aınalysýǵa lısenzııasynan aıyrylǵan tulǵalar múshe bola almaıdy.
2. Úılestirý keńesiniń mindetteri
6. Úılestirý keńesiniń mindetterine:
1) azaptaýlardyń jáne basqa da qatygez, adamgershilikke jatpaıtyn nemese ar-namysty qorlaıtyn is-áreketter men jazalaý túrlerin aldyn alý;
2) ulttyq aldyn alý tetigi qyzmetine monıtorıng júrgizý, onyń tıimdiligin arttyrýǵa baǵyttalǵan is-sharalardy ótkizý;
3) ulttyq aldyn alý tetigine qatysýshylardyń aldyn ala bolý mekemeleri men uıymdarymen, memlekettik organdarmen, ǵylymı jáne qoǵamdyq uıymdarmen, birlestiktermen azaptaýlardyń jáne basqa da qatygez, adamgershilikke jatpaıtyn nemese ar-namysty qorlaıtyn is-áreketter men jazalaý túrlerin aldyn alýmen jáne joıýmen baılanysty máseleler boıynsha ózara is-qımylyn qamtamasyz etý;
4) aldyn ala bolýdy júrgizý nátıjesinde alynǵan derekterdi taldaý, júıeleý jáne paıdalaný.
3. Úılestirý keńesiniń quramy
7. Adam quqyqtary jónindegi ýákil barlyq ulttyq aldyn alý tetigi qatysýshylarynyń qyzmetin úılestiredi, qatysýshylardyń qajetti áleýetin jáne kásibı biliktilikterin qamtamasyz etý boıynsha shara qoldanady.
8. Úılestirý keńesiniń múshelerin, Adam quqyqtary jónindegi ýákildi qospaǵanda, Qazaqstan Respýblıkasynyń azamattary arasynan Adam quqyqtary jónindegi ýákil quratyn komıssııa saılaıdy.
9. Úılestirý keńesiniń hatshysyn Úılestirý keńesiniń saılanǵan músheleriniń arasynan Adam quqyqtary jónindegi ýákil taǵaıyndaıdy.
10. Úılestirý keńesiniń múshelerin saılaý qupııa daýys berý jolymen qarapaıym kópshilik daýsymen júrgiziledi.
11. Úılestirý keńesi músheleriniń jartysy árbir tórt jyl saıyn qaıta saılanady. Birinshi saılaýda saılanǵan músheler sanynyń jartysynyń ókilettikteri eki jyldyq kezeń ótken soń aıaqtalady. Birinshi saılaýdan keıin bul múshelerdiń aty-jónderi jerebe tastaý arqyly anyqtalady, ony Úılestirý keńesiniń Tóraǵasy júrgizedi. Saılaý olardyń ókilettikteri aıaqtalǵanǵa deıin bir aı buryn keshiktirilmeı júrgiziledi.
12. Úılestirý keńesi múshesiniń beıtaraptylyǵyna kúmán týdyratyn jaǵdaı bolǵanda, ol Úılestirý keńesiniń músheliginen bas tartady. Sondaı-aq, Úılestirý keńesi óziniń múshesin aýystyrǵany týraly Adam quqyqtary jónindegi ýákilge erikti nysanda habarlama jiberedi.
13. Úılestirý keńesiniń múshesi Adam quqyqtary jónindegi ýákilge tıisti habarlama jiberý arqyly onyń quramynan shyǵa alady.
4. Úılestirý keńesiniń ókilettikteri
14. Úılestirý keńesi ulttyq aldyn alý tetiginiń mindetterin sheshý úshin:
1) Birikken Ulttar Uıymynyń Azaptaýlarǵa qarsy komıtetiniń Azaptaýlardyń jáne basqa da qatygez, adamgershilikke jatpaıtyn nemese ar-namysty qorlaıtyn is-áreketter men jazalaý túrlerin aldyn alý jónindegi shaǵyn komıtetimen ózara is-qımyl jasaıdy;
2) ulttyq aldyn alý tetiginiń qyzmetin júzege asyrý salasyndaǵy máselelerdi sheshý jóninde usynystar men eskertýler engizedi;
3) zańda belgilengen tártippen memlekettik bılik organdarynan, aldyn ala barý mekemelerinen, sondaı-aq menshiktiń uıymdyq-quqyqtyq nysanyna qaramastan uıymdardan jáne olardyń laýazymdy tulǵalarynan Úılestirý keńesiniń qyzmetin júzege asyrýǵa qajet qujattarǵa suraý salady;
4) óziniń otyrystaryna ártúrli memlekettik bılik organdarynyń, aldyn ala barý mekemeleriniń, qoǵamdyq birlestikterdiń jáne ózge de uıymdardyń basshylary men ókilderin shaqyrady;
5) qajet bolǵan jaǵdaıda, óziniń otyrystarynda tıisti laýazymdy tulǵalardyń olardyń quzyretine kiretin máseleler boıynsha aqparatyn (habarlamalar, baıandamalar jáne t.b.) tyńdaıdy;
6) bólingen bıýdjettik qarajat sheginde aldyn ala barýǵa jatatyn mekemelerdiń tizimi men merzimin belgileıdi;
7) azaptaýlardy jáne basqa da qatygez, adamgershilikke jatpaıtyn nemese ar-namysty qorlaıtyn is-áreketter men jazalaý túrlerin qoldaný týraly habarlamalar men shaǵymdar týraly aqparatty qabyldaıdy. Qabyldanǵan jáne tikeleı Úılestirý keńesine habarlamalar men shaǵymdar týraly jiberilgen aqparat Úılestirý keńesiniń hattamasyna engiziledi;
8) aldyn ala bolýdy júzege asyrý úshin ulttyq aldyn alý tetigi qatysýshylaryn irikteıdi;
9) ulttyq aldyn alý tetigi toptarynyń aldyn ala barý nátıjeleri boıynsha eseptilik nysanyn bekitedi;
10) aldyn ala bolýdy ótkizý nátıjeleri boıynsha eseptilik qujattamany óńdeıdi jáne taldaıdy;
11) ýákiletti memlekettik organdarǵa aldyn ala bolýǵa jatatyn mekemeler men uıymdarda ustalatyn adamdarmen qarym-qatynas jaǵdaılaryn jaqsartý jóninde usynystardy ázirleıdi jáne jiberedi;
12) Qazaqstan Respýblıkasynyń zańnamasyn jetildirý jóninde usynystardy ázirleıdi;
13) ulttyq aldyn alý tetigine qatysýshylardyń aldyn ala bolý nátıjeleri boıynsha eseptilikterin, ýákiletti memlekettik organdarǵa aldyn ala bolýǵa jatatyn mekemeler men uıymdarda ustalatyn adamdarmen qarym-qatynas jaǵdaılaryn jaqsartý jónindegi ázirlengen usynymdardy jáne Qazaqstan Respýblıkasynyń zańnamasyn jetildirý jóninde usynystaryn eskere otyryp, ulttyq aldyn alý tetigine qatysýshylardyń jyl saıynǵy shoǵyrlandyrylǵan baıandamasyn ázirleıdi.
20. Adam quqyqtary jónindegi ýákil:
1) Úılestirý keńesiniń Tóraǵasy bolyp tabylady;
2) Úılestirý keńesi men onyń músheleriniń qyzmetin úılestiredi;
3) Úılestirý keńesi músheleriniń qatysýshylardyń qajetti áleýetin jáne kásibı biliktilikterin qamtamasyz etý úshin shara qoldanady;
4) Úılestirý keńesiniń otyrystaryna tóraǵalyq etedi;
5) Úılestirý keńesiniń jumys josparyn bekitedi;
6) azaptaýlardy jáne basqa da qatygez, adamgershilikke jatpaıtyn nemese ar-namysty qorlaıtyn is-áreketter men jazalaý túrlerin qoldaný týraly aqparatty, habarlamalardy jáne shaǵymdardy qaraýǵa qabyldaıdy;
7) Úılestirý keńesi múshesiniń ornynan ketýi týraly habarlamasyn qabyldaıdy;
8) Úılestirý keńesiniń múshesin aýystyrý týraly Úılestirý keńesiniń habarlamasyn qabyldaıdy.
16. Úılestirý keńesiniń hatshysy:
1) otyrystyń qaraýyna shyǵarylatyn materıaldardy daıyndaýdy uıymdastyrady jáne baqylaıdy;
2) otyrystyń hattamasyn resimdeıdi;
3) Tóraǵanyń tapsyrmalaryn oryndaıdy jáne Úılestirý keńesi jumysynyń tıimdiligin qamtamasyz etý úshin qajetti sharalardy qabyldaıdy;
17. Úılestirý keńesiniń músheleri:
1) Úılestirý keńesiniń otyrysynda qaralatyn máselelerdi talqylaý kezinde teń quqyqtarǵa ıe;
2) Úılestirý keńesi Tóraǵasynyń tapsyrmasy boıynsha onyń otyrystarynda tóraǵalyq etedi;
3) Úılestirý keńesiniń otyrysynda talqylaý úshin máselelerdi engizedi;
4) Úılestirý keńesiniń daýys berýine ózderiniń usynystary men eskertýlerin engizedi;
5) erekshe pikirge ıe bola alady, ony bildirgen jaǵdaıda ol jazbasha túrde baıandalady.
5. Úılestirý keńesi múshesiniń ókilettikterin toqtatý
18. Úılestirý keńesi múshesiniń ókilettikteri:
1) osy Erejeniń normalaryn buzǵan;
2) óz ókilettikterin toqtatý týraly jazbasha ótinishi bolǵan;
3) qaıtys bolýy nemese ony qaıtys boldy dep jarııalaý týraly sot sheshimi zańdy kúshine engen;
4) Qazaqstan Respýblıkasy aýmaǵynan tys turaqty turýǵa ketken;
5) Qazaqstan Respýblıkasynyń azamattyǵyn joǵaltqan;
6) sottyń aıyptaý úkimi zańdy kúshine engen kezde toqtatylady.
6. Úılestirý keńesiniń jumysyn uıymdastyrý jáne tártibi
19. Úılestirý keńesi jumysynyń nysany - Úılestirý keńesiniń otyrysy, sonyń ishinde óńirler boıynsha kóshpeli otyrystar.
20. Úılestirý keńesiniń otyrysyn Tóraǵa shaqyrady, al ol bolmaǵanda, onyń tapsyrmasy boıynsha Úılestirý keńesiniń múshesi bir toqsanda keminde bir ret shaqyrady;
21. Úılestirý keńesiniń kezekten tys otyrysy qajettiligine qaraı ótkiziledi, Úılestirý keńesiniń úshten bir bóliginen kem emes músheleriniń talaby boıynsha shaqyrylýy múmkin;
22. Úılestirý keńesiniń otyrysy Úılestirý keńesi músheleriniń jartysynan kóbi qatysqan kezde ótkiziledi.
23. Úılestirý keńesiniń kezekten tys otyrysynyń jumysyn uıymdastyrýdy Tóraǵa, ol ýaqytsha bolmaǵan kezde onyń tapsyrmasy boıynsha Úılestirý keńesiniń múshesi júzege asyrady.
24. Úılestirý keńesi otyrysynyń nátıjeleri boıynsha sheshim qabyldanady.
25. Úılestirý keńesiniń sheshimi, eger oǵan Úılestirý keńesi músheleriniń jartysynan kóbi daýys bergen jaǵdaıda, qabyldanǵan bolyp esepteledi. Eger sheshim qabyldaý kezinde daýystar teń bólinse, otyrysta tóraǵalyq etýshi daýys bergen sheshim qabyldanǵan sheshim bolyp sanalady.
26. Úılestirý keńesiniń sheshimderi usynym berý sıpatyna ıe.
27. Úılestirý keńesiniń otyrysynda aldyn ala bolý nátıjeleri, ulttyq aldyn alý tetiginiń qyzmet nysanyna baılanysty normatıvtik-quqyqtyq aktilerdi talqylaý boıynsha úsynymdar men usynystar ázirlenedi.
28. Úılestirý keńesiniń otyrysynda hattama júrgiziledi, onda kún tártibi, qatysqandardyń aty-jónderi, daýys berý nátıjeleri, qabyldanǵan usynymdar men usynystar kórsetiledi. Hattamaǵa Úılestirý keńesiniń Tóraǵasy men hatshysy qol qoıady.
29. Úılestirý keńesiniń qatysýshylary adamnyń jeke ómiri týraly oǵan aldyn ala bolý nátıjeleri boıynsha eseptiliktermen tanysý barysynda belgili bolǵan málimetterdi osy adamnyń kelisiminsiz jarııa etpeıdi.
9. Qorytyndy erejeler
30. Úılestirý keńesiniń jumys tili qazaq jáne orys tilderi bolyp tabylady.
31. Úılestirý keńesiniń qyzmetin uıymdyq-tehnıkalyq qamtamasyz etý Adam quqyqtary jónindegi ýákildiń apparatyna júkteledi.
32. Úılestirý keńesin joıý týraly usynys tolyq quramdaǵy otyrysta qarapaıym kópshilik daýsymen qabyldanady.
Buıryq Qazaqstan Respýblıkasynyń Ádilet mınıstrliginde 2013 jylǵy 8 qarashada Normatıvtik quqyqtyq kesimderdi memlekettik tirkeýdiń tizilimine №8891 bolyp engizildi.
