Bangkokta oppozısıonerler Taıland ishki ister mınıstrligi ǵımaratyn qorshaýdan bosatty. Bul týraly ITAR-TASS habarlady.
«Neıshn» gazetiniń aqpary boıynsha, IIM resmı ókili manıfestanttarǵa mekeme qyzmetkerleri sársenbi kúni jumysqa shyqpaıtynyn aıtqannan keıin ǵana olar ǵımarat aýmaǵyn bosatýǵa kelisken. Taıland ishki ister mınıstrligi eldegi atqarýshy bılik qyzmetine ǵana jaýap beredi. Al polısııa jumysyn basqarý mınıstrliktiń quzyrynda emes.
Taılandtaǵy oppozısııa jetekshileri sársenbi kúni Demokratııa monýmentiniń aldynda jappaı narazylyq aksııasyn uıymdastyratynyn málimdedi. Olardyń aıtýynsha, aksııa aldyńǵylarǵa qaraǵanda aýqymdy bolyp ótedi. Jeksenbi kúni Demokratııa monýmentiniń aldyna 400 myńnan asa adam jınalǵan bolatyn. Al dúısenbi kúni oppozısııa úkimettik mekemelerdi qorshaýǵa alyp, Bangkok kóshelerinde narazylyq sherýin ótkizdi.
Ereýilge qatysýshylar Taıland bıliginiń úkimettiń burynǵy basshysy Taksın Chınavatpen baılanysyna narazylyq bildirýde. Aksııany uıymdastyrýshylardyń aıtýy boıynsha, Taılandtan qýylyp ketken eks-premer shetelde júrip, el bıligine aralasyp otyr. Taksın Chınavat 2006 jylǵy áskerı kóterilisten keıin bılikten bosatylǵan edi. Keıinnen ol qyzmettik ókiletin asyra paıdalanǵany úshin syrttaı eki jylǵa sottaldy.
Aıdar О́risbaev.
Derekkóz: Itar-tass.com
