Máselen, Ordabasy aýdandyq sáýlet jáne qala qurylysy bóliminiń basshysy muń-muqtajyn aıtyp kelgen azamatqa dórekilik tanytqan. Onyń ádepsiz áreketi beınejezbaǵa túsirilgen. Ádep kodeksiniń talaptaryna sáıkes, memlekettik qyzmetshiler azamattarmen jáne áriptesterimen qarym-qatynasta sypaıylyq tanytýy tıis. Keńestiń sheshimimen atalǵan laýazymdy tulǵaǵa "Qyzmetine tolyq sáıkes emestigi" túrindegi tártiptik jaza qoldaný usynyldy.
Sondaı-aq dál osyndaı tártiptik jaza qoldaný Túlkibas aýdany Aqbıik aýyldyq okrýginiń ákimine de usynyldy. Saıram aýdany turǵynynyń aryzyna sáıkes, atalǵan laýazymdy tulǵanyń túngi ýaqytta aryz ıesiniń úıine baryp, toqtaýsyz qońyraý shalǵany, esikti ashýdy talap etip, tynyshtyqty buzǵandyǵy anyqtaldy. Maqtaaral aýdany Maqtaaral aýyldyq okrýgi ákiminiń mindetin ýaqytsha atqarýshy azamatqa da "Qyzmetine tolyq sáıkes emestigi" túrindegi tártiptik jaza qoldaný usynyldy. Ol óziniń qyzmettik mindetterin atqarý barysynda Ádep kodeksiniń tarmaqshalaryndaǵy jalpy qabyldanǵan moraldyq-ádeptilik normalaryn jáne elimizdiń zańdarynda belgilengen shekteýler men tyıymdardy saqtamaǵan.
Ádep jónindegi keńes tóraǵasy A.Shilmanov memlekettik qyzmetshi halyqtyń, eldiń aldyndaǵy tulǵa bolǵandyqtan, onyń árbir aıtqan sózi men is-qımylyn halyqpen jiti baqylanyp otyratyndyqtan jumys ýaqytynda, qyzmetten tys ýaqytta da jalpy qabyldanǵan moraldyq-ádeptilik normalaryn ustanýǵa, qoǵamǵa jat minez-qulyq pen teris qylyqtarǵa jol bermeý kerektigin atap ótti.
