Uzaq irikteý jáne kelisý prosesiniń qorytyndylary boıynsha konsensýsqa qol jetkizildi jáne onlaın-rejımde ótip jatqan EQYU SIMK barysynda jańa basshylar saılandy.
Saılaý prosesiniń basynan bastap negizgi laýazymdardyń biri – EQYU Az ulttar isteri jónindegi Joǵarǵy komıssary (EYQU AUJK) – Qazaqstan óziniń Shvesııadaǵy Elshisi Qaırat Ábdirahmanovtyń kandıdatýrasyn usyndy.
Elshi Q.Ábdirahmanovtyń kandıdatýrasyn EQYU-ǵa qatysýshy elder oń qabyldady, bul bizdiń elimizge basqa úmitkerlermen ashyq konkýrsta bizdiń kandıdatýramyzdyń aınalasynda keń konsensýs qalyptastyrýǵa múmkindik berdi. Qazaqstandyq dıplomattyń Syrtqy ister mınıstri, BUU janyndaǵy jáne EQYU janyndaǵy QR Turaqty ókili laýazymynda aıtarlyqtaı dıplomatııalyq jumys tájirıbesi bar.
Buǵan deıin TMD jáne Ortalyq Azııany qosa alǵanda, «Venadan shyǵysqa» qaraı ornalasqan elderdiń ókilderi eshqashan EQYU basshylyǵynyń quramynda bolmaǵanyn atap ótý mańyzdy. Qazaqstannyń kópultty jáne kópkonfessııaly qoǵamdaǵy beıbitshilik pen kelisimdi qoldaý jónindegi tájirıbesi naq osy qazaqstandyq kandıdatty tańdaýǵa yqpal etkeni sózsiz.
