Eń sońǵy úlgidegi LEONARDO lazerlik apparaty kópfýnksıonaldy jáne ony qoldaný aıasy óte keń.
Atap aıtqanda: gemorroı, fıstýla, gınekologııalyq, ýrologııalyq, LOR aýrýlary, omyrtqa gryjalary jáne qalqansha beziniń túıinderi sııaqty aýrýlardy emdeı alady.
Buryn mundaı operasııalar uzaq jasalatyn, operasııadan keıin aıtarlyqtaı tyrtyqtar qalatyn. Naýqas osyndaı jaraqattanýdan keıin uzaq ýaqyt qalpyna keletin. Al endi zamanaýı lazerlik tehnologııa osy máselelerdiń barlyǵyn sheshti. Operasııa uzaqtyǵy 15-20 mınýt, aýyrsynýsyz,narkozsyz, operasııadan keıin tyrtyq qalmaıdy, birneshe saǵattan soń naýqas tipti úıine qaıtady.
Shymkent qalasynyń dárigerleri jańa ádister men zamanaýı medısınalyq tehnologııalardy engizý arqyly kóptegen jetistikterge jetýdi josparlaýda.
