Onyń sózinshe, 2020 jyldyń vegetasııalyq kezeńiniń qorytyndysy boıynsha fılıal bastamasymen jumys toby qurylyp, Úlken Almaty kanaly balansyna kirmeıtin barlyq kanaldar ınventarızasııadan ótkizilgen.
«Úlken Almaty kanalynyń jalpy uzyndyǵy 168 km, onyń 149 km bizdiń, qalǵany qalalyq ákimdiktiń balansynda. О́tken vegetasııalyq kezeń aýyl sharýashylyǵy óndirýshileriniń sýdy egistik deńgeıinde nashar basqaratynyn kórsetti. Sondyqtan vegetasııalyq kezeńnen keıin biz barlyq fermerlerdi, aýyldyq óndiristik kooperatıvterdi sýdy tıimdi paıdalanýǵa shaqyrdyq. Budan bólek, jumys tobyn quryp, barlyq kanaldardyń jaǵdaıyn tekserip, qandaı egistik alqaby paıdalanyllmaı jatqanyn anyqtadyq. Odan keıin áleýmettik-kásipkerlik korporasııalaryna sý paıdalaný josparyn belgiledik», - dep atap ótti fılıal dırektory.
Sý paıdalaný josparyna sáıkes, vegetasııalyq kezeń bastalar aldynda ár aýyl sharýashylyǵy óndirýshisi úshin belgili bir ýaqytqa lımıt belgilenedi. Osylaısha, fermerler tıimdi jumsaýdy negizge ala otyryp, jetkilikti kólemde sý alady.
«Sonymen birge barlyq egistik alqaptarynyń elektrondy kartasy qurylyp, qaıda qansha sý túsip jatqanyn baqylaımyz»,- dedi Serikalı Muqataev.
Onyń habarlaýynsha, Úlken Almaty kanaly 50 jyl boıy keshendi jóndeýden ótpegen. Bul máseleni sheshý úshin EGTRM men ákimdiktiktiń qoldaýymen ony sý resýrstaryn basqarý týraly memlekettik baǵdarlamaǵa qosýǵa sheshim qabyldanǵan.
«Sý resýrstary komıtetiniń jáne «Qazsýshar» mekemesiniń qoldaýymen qoldaýymen qazir kanaldy keshendi jóndeýden ótkizý máselesi sheshilip jatyr. Budan bólek, biz mınıstrliktiń Sý resýrstary komıtetimen birlesip, apatty jaǵdaıdaǵy birneshe ýchaskeni keshendi jóndeýden ótkizýdiń jobasyn daıyndap jatyrmyz. Bıyl memlekettik ekspertızadan ótip, keler jyly jumys bastalady», - dedi spıker.
Suhbat barysynda fılıal dırektory Bartoǵaı sý qoımasy bógetiniń seısmıkalyq jaǵdaılarǵa tótep berý deńgeıin kóterý úshin qabyldanyp jatqan sharalar týraly da aıtty.
«Bartoǵaı boıynsha jobaǵa sý qoımasy nysandarynyń senimdi ári qaýipsiz jumys isteýin qamtamasyz etetin jóndeý-qalpyna keltirý jumystarynyń kesheni engizildi», - dep atap ótti spıker.
Sonymen birge S.Muqataev Ortalyq Azııanyń delegasııasy quramynda Avstralııaǵa barǵan saparynan alǵan tájirıbesimen bólisti.
«2012 jyly Avstralııanyń sý resýrstaryn basqarý boıynsha tájirıbesimen tanysý úshin eldiń birneshe shtatyn biriktiretin Mıýren-Darvın basseınine bardyq. Elde uzaqqa sozylǵan qýańshylyq áserinen 1994 jyly reforma bastalyp, Ulttyq sý komıssııasy qurylǵan. Reformaǵa sáıkes, ár fermerge sý paıdalaný quqyǵy berildi. Bul quqyqty olar aktıv, kepil zat nemese satý-satyp alý zaty retinde qoldana alǵan. Bir aıta keteri – Avstralııada sýdyń 1 tekshe metri – 1 dollar turady. Al bizde – 33 tıyn. Atalǵan reformalar Avstralııaǵa esepteýishterden bas tartyp, sý esebin qashyqtan júrgizýge múmkindik berdi. Avtomatızasııa kanaldardy baqylaýdyń tıimdiligin arttyrady», - dedi fılıal basshysy.
Tikeleı efırde S. Muqataev sýarý kezeńinde sý tapshylyǵyn boldyrmaı, barlyq egistikti tolyq qamtýǵa baılanysty qabyldanǵan shuǵyl sharalar týraly da aqparat berdi. Úlken Almaty kanaly resýrstaryn tıimdi paıdalaný úshin sý tutyný jospary jasalady. Onyń sózinshe, sý aınalymy engizilip, aýyl sharýashylyǵy alqaptaryn sý berý kezinde sýarý normasy qatań saqtalǵan. Nátıjesinde, barlyq egistik alqaby jetkilikti deńgeıdegi sý kólemimen qamtyldy.
