Qazaqstan • 15 Jeltoqsan, 2020

Ulttyq ulannyń «Biz bolmasaq, onda kim?» beıneklıpi jaryqqa shyqty

377 ret kórsetildi

Elimizdiń ulyq merekesi – Táýelsizdik kúni qarsańynda Ulttyq ulannyń qyzmettik-jaýyngerlik áreketin baıandaıtyn «Biz bolmasaq, onda kim?» ánine arnalǵan beıneklıpiniń tusaýy kesildi, dep habarlaıdy Egemen.kz Ulttyq ulannyń baspasóz qyzmetine silteme jasap.

Endigi kezekte elimizdiń úlken ekrandaryna jol tartqaly tur. Atalǵan klıptiń maqsaty  áskerı qyzmetti nasıhattaý, jeke quram jáne azamattyq jastar arasynda áskerı-patrıottyq jumystardy uıymdastyryp, qoǵamda Ulttyq ulan ımıdjin kóterý.

– Bul beıneklıpti túsirý ıdeıasynyń ıesi Ulttyq ulan Bas qolbasshysy general-leıtenant Rýslan Jaqsylyqov. Ásker tálimgerleri men Ulttyq ulan Án-bı ansambliniń aldyna úlken tapsyrma qoıyldy. Ol – elimizdiń jastaryna túsinikti, aǵa býynǵa uǵynyqty, qalyń tyńdarman qabyldaı alatyn jańa óleńdi jazyp shyǵý. Bizdiń ónerpazdar osy tapsyrma aıasynda ánniń mátinin jazdy, mýzykanttarymyz qajetti áýendi tańdady. Nátıjesinde, sózi salmaqty, yrǵaǵy jeńil, rechetatıv stılinde «Biz bolmasaq, onda kim?» áni ómirge keldi. Bul bizdiń ortaq jetistigimiz jáne bolashaqta tyńdarmandardyń júreginen oryn alady dep oılaımyn, – deıdi «Án-bı» ansambliniń basshysy maıor Darhan Rahymǵalıev.

Beıneklıp elimizdiń eki óńirinde – Nur-Sultan men Almaty qalasynda túsirildi. Túsirilimge Ulttyq ulannyń áskerı bólimderi men tehnıkasy, jeke quramy tartyldy. Ándi «Án-bı» ansambliniń ónerpazdary oryndady. Beıneklıpti túsirýge otandyq «AIý sınema» kınokompanııasy muryndyq boldy.

Búgingi tańda ansambl mýzykanttary men solısteriniń oryndaýyndaǵy áskerı-patrıottyq ánder elimizdegi barlyq mańyzdy sharalardyń kelbeti bola bildi. Áskerı taqyrypqa baılanysty birde-bir konsert ulandyq ónerpazdardyń qatysýynsyz ótpeıdi. Ulttyq ulan «Án-bı» ansambli memleketimizdiń ortalyq zaldarynda Gala-konsert beretin biregeı áskerı-mýzykalyq ujym.

«Biz bolmasaq, onda kim...

Baıtaq eldiń qyrany,

Júregi dúrsil soǵady.

El tizginin berik ustap,

Ar men namys urany!»... dep bastalatyn jańa týyndy tyńdarmandardyń júrekterine jol tabady dep senemiz.

Sońǵy jańalyqtar

Sal-seriniń sońy

Qazaqstan • Keshe

Jazda lager jetispeıdi

Qoǵam • Keshe

Alash ardaqtysyn túrki álemi ulyqtady

Ahmet Baıtursynuly • Keshe

Bizdiń Saıyn

Ádebıet • Keshe

Shavqat jeńiske jetti

Sport • Keshe

Maǵjannyń qarasózderi

Ádebıet • Keshe

Saf aýadaǵy serýen

Egemen Qazaqstan • Keshe

Uqsas jańalyqtar