Naýqastyń ókpesindegi isik flıýrografııalyk tekserý kezinde anyqtalyp, onkologııalyq ortalyqqa joldama arqyly kelgen bolatyn. Ota jasalǵan kúni-aq naýqas jan saqtaý bólimine emes, birden palataǵa aýystyryldy.
Onkologııalyq ortalyqta eki jyldan beri otany vıdeotorakoskopııalyq ádispen jasaýdy qolǵa alynǵan. Mundaı otanyń artyqshylyǵy kóp. Naýqas operasııany jeńil kóteredi jáne asqynýlar óte sırek kezdesedi. Sondaı-aq naýqas narkotıkalyk analgetıkter qabyldamaıdy.
«Operasııa bolǵan kúni naýqas ózdiginen júrip, aýrýhanadan 3-4 kúnde úıine shyǵarylady. Aıta keterligi, mundaı otadan keıin naýqas ońaltýdy qajet etpeıdi. Mundaı vıdeotorakoskopııalyq ádis ókpe qýysy organdarynyń katersiz jáne alǵashqy satydaǵy qaterli isikteri kezinde qoldanylady», deıdi joǵary dárejeli hırýrg Samat Ismaılov.
Onkologtar qala turǵyndaryna jylyna bir ret foıýrografııalyq tekseristen ótip, ókpeden isik belgileri tabylǵan jaǵdaıda mindetti túrde medısına mamannyń keńesine júginýdi eskertedi.
