Ol Medeý aýdany – turǵyny 213 myńnan asatyn Almaty qalasynyń eń iri ákimshilik, mádenı jáne týrıstik ortalyǵy ekenin eske saldy.
- Prezıdent Qasym-Jomart Toqaevtyń «Shetsiz qala» qaǵıdaty boıynsha qalany damytý týraly tapsyrmasyna sáıkes ótken jyldyń sońynda «Almaty-2050» Damý strategııasy Máslıhat sessııasynda bekitildi. Bul qujat qalanyń eń qıynshylyq týǵyzdyratyn máselelerin sheshýge jáne turǵyndardyń ál-aýqatyn jaqsartýǵa baǵyttalǵan. Osyǵan baılanysty, bizdiń aldymyzda Aq qaıyń, Kólsaı, Sulýsaı, Alataý, Muztaý, Dýman, Keńsaı shaǵyn aýdandary men Kamenskoe plato turǵyn alabyn damytý mindeti tur.
Qazir munda sýmen jabdyqtaý jáne sý burýdyń ınjenerlik jelilerin salý jumystary qyzý júrip jatyr, elektr jelileri qaıta jańǵyrtylýda, jaǵalaýlar, saıabaqtar, skverler, jaıaý júrginshiler aımaqtary abattandyrylýda. Sonymen qatar jol-kólik ınfraqurylymy jaqsarýda. Aǵymdaǵy jyly 28 kóshe boıynsha uzyndyǵy 25 km jol tósemin ortasha jóndeý jumystary júrgizildi, trotýarlar salynýda. Aýdanda tabıǵı sıpattaǵy tótenshe jaǵdaıdy joıý úshin apattyq-qalpyna keltirý jumystaryn júrgizýge qarajat bólindi.
«Jumyspen qamtý 2020 Jol kartasy» baǵdarlamasy aıasynda Medeý aýdany boıynsha jalpy somasy 754 mln.533 myń teńgege 9 joba anyqtaldy. 345 jumys orny quryldy. «Bıýdjetke qatysý» baǵdarlamasy boıynsha 25 650 halyqty qamtýmen jalpy somasy 334,3 mln. teńgege jeti joba iske asyryldy.
Qala ákimi Baqytjan Saǵyntaevtyń tapsyrmasymen Dostyq dańǵyly boıynsha (Ál Farabı dańǵylynan «Medeý» SSK deıin) syrtqy jaryqtandyrý jelisin jańǵyrtý boıynsha jumystar júrgizildi, shamdardyń sany 1148 dana, uzyndyǵy – 24 km, tirekter – 775 birlik.
Bıznestiń áleýmettik jaýapkershiligi aıasynda «TrıAHoldıng» JShS kompanııasy Gýrılev, Sársenbaev, Govorov, Shýchınskaıa, Býrabaı kóshelerine 76 birlik kóleminde syrtqy jaryqtandyrý tirekterin ornatty.
Qala ákiminiń mańyzdy tapsyrmalarynyń biri – uıaly baılanys pen ınternetti jaqsartý bolsa, bıyl jyl basynan beri aýdannyń 7 ýchaskesinde uıaly baılanys pen ınternet sapasy máselesi turdy.
Qazirgi ýaqytta ınternet jáne uıaly baılanys Alataý sh.a, Muztaý (Býtakovka), Kensaı sh.a (ishinara), «Radýga», «Mıchýrınes» Alataý sh.a qoldanystaǵy antennalardy jańǵyrtý jáne qosymsha bazalyq stansııalardy ornatý arqyly jaqsartyldy.
- Sonymen qatar, «Vostochka» TK tóbesinde 1000 m radıýstaǵy kóshelerdi ınternetpen jáne uıaly baılanyspen qamtamasyz etetin "Beeline Kazakhstan" kompanııasynyń uıaly antennasy ornatyldy, - dediaýdan ákimi.
Sonymen birge, ol Medeý aýdanynda 784 kóppáterli turǵyn úı jáne 536 aýla bar ekenin atap ótti. Sońǵy 4 jylda 130 myńnan astam turǵyndy qamtıtyn 336 aýlada (63%) kúrdeli jóndeý júrgizildi. Aldaǵy jyly 25 myń turǵyndy qamtı otyryp, 60 aýlany aǵymdaǵy jóndeý josparlanǵan, osylaısha Medeý aýdanynyń aýla aýmaqtaryn abattandyrý 100% aıaqtalady.
ALMATY
