Almatylyq 2 myń erikti vaksınasııadan ótetin bolady. Synaqtyń eki kúni ishinde vaksınany alǵashqy 300 erikti qabyldady. QR Bilim jáne ǵylym mınıstrliginiń bıologııalyq qaýipsizdik problemalary ǵylymı-zertteý ınstıtýty otandyq vaksınanyń I jáne II fazalaryn klınıkalyq synaqtan ótkizgeni belgili. Aldyn ala jasalǵan sharalardyń nátıjeleri otandyq vaksına qaýipsizdiginiń, ımmýnogendiginiń jáne tıimdiliginiń joǵary deńgeıin kórsetýde.
Synaqtar sátti aıaqtalyp ári Densaýlyq saqtaý mınıstrliginde tirkelgen soń erikti túrde jappaı vaksınasııalaý naýryz aıyna josparlanýda. Elimizde jasalǵan vaksınaǵa úlken úmit artylýda, óıtkeni ekpe jasaý ınfeksııanyń jappaı taralýyna qarsy birden-bir tıimdi ádis bolyp tabylady.
Aıta keterligi, Almatyda syıymdylyǵy 200 myń birlikti quraıtyn «Spýtnık V» antıkovıdti vaksınany saqtaıtyn qoımalar daıyn. Preparatty uzaq merzimde saqtaý úshin naqtyly temperatýralyq rejımdi ustaý mańyzdy sharttyń biri bolyp tabylady.
ALMATY
