Qoǵam • 06 Qańtar, 2021

«Ulttyq aýdarma bıýrosy» Bilim jáne ǵylym mınıstrligin sotqa berdi

3599 ret kórsetildi

Bul týraly «Ulttyq aýdarma bıýrosy» Qoǵamdyq qorynyń atqarýshy dırektory Raýan Kenjehanuly facebook-tegi paraqshasynda jazdy.

2017 jyly «Jańa gýmanıtarlyq bilim. Qazaq tilindegi 100 jańa oqýlyq» jobasyn júzege asyrý úshin kommersııalyq emes «Ulttyq aýdarma bıýrosy» qurylǵan edi. Sol ýaqyttan beri joba aıasynda tarıh, fılosofııa, sosıologııa, psıhologııa, antropologııa, mádenıettaný, dintaný, lıngvıstıka, ınnovasııa, medıa, ekonomıka, menedjment, kásipkerlik, kınotaný, teatrtaný salalary boıynsha álemniń mańdaıaldy ýnıversıtetterinde oqytylatyn úzdik oqýlyqtar qazaq tiline aýdarylǵan bolatyn. Al búgin «Ulttyq aýdarma bıýrosy» shyǵarmashylyq jumysyn toqtatqan kórinedi. 

«Qurmetti qaýym!  Jańa gýmanıtarlyq bilim. Qazaq tilindegi 100 jańa oqýlyq» jobasy mazmundyq jaǵynan aıaqtaldy. Álemniń eń jaqsy degen 100 oqýlyǵy qazaq tiline aýdaryldy, árqaısysy 10 myń danamen basylyp, elimizdiń barlyq joǵary oqý oryndaryna jetkizildi. Oqýlyqtardyń elektrondy nusqalaryn OpenU.kz portalynan erkin oqýǵa bolady. Olardyń negizinde daıyndalǵan 200 vıdeo kýrs ta atalǵan portalda ashyq tur»,  dep jazdy «Ulttyq aýdarma bıýrosynyń» atqarýshy dırektory.

Osyndaı aýqymdy jumysty atqarǵan mamandarǵa alǵysyn jetkizgen Raýan Kenjehanuly negizgi máselege de toqtalypty.

«Alaıda, aradaǵy sharttyń talaptaryna sáıkes tolyq oryndalyp, tapsyrylǵan jumysty Bilim jáne ǵylym mınıstrligi qabyldap almady. Jumystyń aqysy tólenbedi. Osyǵan oraı, «Ulttyq aýdarma bıýrosy» shartta kórsetilgen zańdy talaptaryn alǵa tartyp, sotqa júgindi.

«Ulttyq aýdarma bıýrosy» ondaǵan sheteldik avtor men quqyq ıelenýshi baspalar, birneshe iri baspahana jáne bárinen buryn júzdegen aýdarmashy men redaktorlarǵa qarajat bereshek. Alǵashqy kezekte jumysqa atsalysqan mamandar aldyndaǵy qaryz tólenedi. Onyń negizgi bóligi óteldi.

Elimizdegi zańnyń bıligi, sottyń adaldyǵy ras bolsa, sózimiz rastalyp, eńbegimiz ótelýi tıis. Oǵan kámil senemiz.

Búkil qoǵam kóz tikken úlken jumys o bastan kópshiliktiń nazarynda. Qazir de áleýmettik jelide túrli talqy júrip jatyr. Shyn máninde anyq-qanyǵyn bilgisi keletin adamǵa uǵynyqty jaýaptar áldeqashan berildi. Jumystyń esep-qısaby talaı ret qaralyp, tekserildi. Tártip pen zańnyń buzylmaǵany dáleldengen. Bul joly da solaı bolatynyna senimdimiz. Sondyqtan sabyr saqtap, aq-qarasyn ajyratýdy sotqa tapsyrdyq»,  deıdi ol.

Sol sebepti «Ulttyq aýdarma bıýrosy» ázirge shyǵarmashylyq jumysyn toqtatyp, qyzmetkerlerin qysqartýǵa májbúr bolyp otyr.

Sońǵy jańalyqtar

«Barys» «Vıtıazdi» utty

Sport • Búgin, 16:15

Jalǵas Jumaǵulov jeńilip qaldy

Sport • Búgin, 15:44

Qunsyzdyq quldyń túbine jetedi

Aımaqtar • Búgin, 14:39

Pnevmonııadan 2 adam qaıtys boldy

Koronavırýs • Búgin, 11:42

Elimizde taǵy 839 adam koronavırýstan jazyldy

Koronavırýs • Búgin, 09:02

Pnevmonııadan 1 adam qaıtys boldy

Koronavırýs • Keshe

Bıatlonshylardyń baǵy janbady

Sport • 22 Qańtar, 2021

Konor Makgregordyń tabysy qansha?

Sport • 22 Qańtar, 2021

Elbasy Beıbit Atamqulovty qabyldady

Elbasy • 22 Qańtar, 2021

Almatynyń AT-arhıtektýra jospary bekitildi

Aımaqtar • 22 Qańtar, 2021

Memleket basshysy Alekseı Soıdy qabyldady

Prezıdent • 22 Qańtar, 2021

Atyraýda 35 jastaǵy azamatshany tonap ketti

Aımaqtar • 22 Qańtar, 2021

Maqtaralda kóktemgi egis jumystary bastaldy

Aımaqtar • 22 Qańtar, 2021

Birneshe oblysta jol jabyldy

Qazaqstan • 22 Qańtar, 2021

Uqsas jańalyqtar