Aımaqtar • 14 Qańtar, 2021

Túrkistan oblysynda ótken jylǵy áskerge shaqyrý jumystarynyń qorytyndysy shyǵaryldy

280 ret

kórsetildi

1 mın

oqý úshin

2020 jyldyń jeltoqsan aıynyń sońynda Túrkistan oblysynyń jergilikti áskerı basqarý organdarynda áskerge shaqyrý naýqany aıaqtaldy. Naýqan barysynda Qarýly Kúshterge, basqa da áskerler men áskerı quralymdarǵa aımaqtan 4 myńnan astam adam jiberildi. Osyǵan baılanysty qorǵanys isteri jónindegi departament bastyǵy polkovnık Nurmahanbet Dúısebaev jyl qorytyndysyn shyǵardy, dep habarlaıdy Egemen.kz.

Janbolat Kenjeǵul

Túrkistan oblysynda ótken jylǵy áskerge shaqyrý jumystarynyń qorytyndysy shyǵaryldy

Qorytyndy shyǵarý kezinde ótken jylǵy shaqyrý josparynyń júz paıyz oryndalýy, sondaı-aq shaqyrylýshylar men áskerı qyzmetshilerdiń koronavırýstyq ınfeksııany jappaı juqtyrýyn boldyrmaýǵa múmkindik beretin sanıtarlyq-epıdemıologııalyq sharalardy ýaqytyly júrgizgendigi aıtyldy.

Sonymen qatar, joǵary bilimdi áskerge shaqyrylýshylar men oblysta jumys isteıtin áskerı-patrıottyq klýbtardyń qabyrǵasynda oqý men shyńdaýdan ótkenderdiń sany artqan. Atap aıtqanda, tek 2020 jyldyń kúzgi naýqanynda joǵary bilimi bar 180-ge jýyq azamat áskerge shaqyrylǵan.

Is-sharanyń qorytyndysy boıynsha oblystyq qorǵanys isteri jónindegi departament bastyǵy sanıtarlyq-epıdemıologııalyq jaǵdaıdy eskere otyryp, 2021 jyly shaqyrýdy sapaly uıymdastyrý jóninde nusqaýlar berdi. Qyzmettegi joǵary kórsetkishteri úshin úzdik basqarmalar men bólimder, jekelegen áskerı qyzmetshiler gramotalarmen jáne alǵys hattarmen marapattaldy.