Jergilikti Al-Vatan basylymy habarlaǵandaı, qaıǵyly oqıǵa El-Kýneıtranyń batys bóligindegi Rýveıhına aýylynda bolǵan.
"Medısınalyq aqparat kózderi eki áskerı adamnyń qaıtys bolǵanyn, sondaı-aq qarýly terrorıstik toptyń Rýveıhına aýylyndaǵy armııaǵa, ıaǵnı baqylaý-ótkizý pýnktine jasaǵan shabýylynyń saldarynan taǵy eki áskerı qyzmetkerdiń jaraqat alǵanyn rastaıdy", dep habarlaıdy gazet tilshisi.
Sırııadaǵy qarýly qaqtyǵys 2011 jyldan beri jalǵasyp keledi. Osyǵan oraı 2017 jyldyń sońynda Sırııa men Irak elderinde "Islam memleketi" terrorıstik tobyn jeńý týraly málimdeme jasaldy.
Sodan beri taraptardyń jekelegen aýdandarynda sodyrlardy tazartý jumystary qolǵa alynǵanymen, bertinge deıin sheshimin tappaı otyr. Qazirgi ýaqytta Sırııany qaıta qalpyna keltirý, eldegi saıası sabaqtastyqty ornyqtyrý, sonymen qatar bosqyndardyń oralýy kúntárbindegi kúttirmeıtin máselelerdiń birine aınaldy.
