Elorda • 29 Qańtar, 2021

Balalardy órtten qutqarǵan ulandyq «Jas sarbaz» qozǵalysymen marapattaldy

55 ret kórsetildi

Jańa jyl qarsańynda elordada úsh birdeı búldirshinniń ómirin tilsiz jaýdan arashalaǵan Ulttyq ulan jaýyngegri efreıtor Temirlan Ámirǵazın erligi úshin kezekti marapatyn aldy, dep habarlaıdy Egemen.kz

Osy joly ony alǵys hat ári baǵaly syılyqpen «Jas sarbaz» balalar men jasóspirimder áskerı-patrıottyq qozǵalysy atap ótti. Marapatty ulandyq batyrǵa atalǵan uıymnyń Nur-Sultan qalasy boıynsha fılıalynyń tóraǵasy Ashat Nalshybek tabys etti.

"Bizdiń maqsatymyz – Temirlan baýyrymyzdyń jasaǵan erligin jastar arasynda nasıhattaý. Búgingi jastardyń osyndaı erlikke, batyldyqqa barǵanyna, jigerli bolǵanyna biz maqtanamyz. Sebebi ata-babamyz balaǵa bes jasynan qolyna qarý berip, atqa otyrǵyzǵan. Al qazirgi bilim zamanynda jastardyń áskerı-patrıottyq baǵytta tárbıe alýy – ol óte mańyzdy. Baýyrjan Momyshuly atamyz aıtqandaı: «Eshkimde ishteı batyr bolyp týmaıdy. Batyrlyq ta minez sekildi ósken orta, kórgen tárbıege baılanysty qalyptasady». Ulttyq ulan qatarynda tárbıelenip jatqan jastardan osyndaı Temirlan sekildi batyr uldar áli talaı shyǵatynyna senimdimiz", dedi Ashat Nalshybek.

Esterińizge sala ketsek, Ulttyq ulan áskerı qyzmetshisi efreıtor Temirlan Ámirǵazın Jańa jyl qarsańynda elordadaǵy azyq-túlik dúkenderiniń birinde turǵanda tóbeden sylaq túsip, jeldetý shahtasynan qoıý tútin shyǵyp jatqanyn baıqaıdy.

Qaýipti sátti qalt jibermegen jaýynger dúkenge kelýshiler men satýshylardyń tez arada dalaǵa shyǵýyn ótinedi.

Osy ýaqytta ol tútinniń ekinshi qabattan shyǵyp jatqanyn kóredi. Sóıtse bul dúken satýshysynyń páteri eken. Ulandyq jaýynger dereý órt sóndirýshi qyzmetke qońyraý shalyp, úı ıesimen birge baspanadan 3 búldirshindi qaýipsiz jerge alyp shyǵady.

Sońǵy jańalyqtar

Almaty mańynda jer silkindi

Aımaqtar • Keshe

Sý aıaǵy qurdymǵa kete me?

Aımaqtar • Keshe

Kók túrkiniń kózi

Tarıh • Keshe

Tólge toly Taıketken

Ekologııa • Keshe

15 mamyr – Halyqaralyq otbasy kúni

Qoǵam • 15 Mamyr, 2021

Semeıde eki jeńil kólik soqtyǵysyp qaldy

Aımaqtar • 15 Mamyr, 2021

Uqsas jańalyqtar