Aımaqtar • 02 Aqpan, 2021

Almaty oblysynda kásipker óz qarjysyna sport keshenin salyp bermek

13 ret kórsetildi

Almaty oblysynda kásipker sport keshenin óz qarjysyna salyp, halyqtyń paıdasyna jaratý úshin ony memleket menshigine berýge nıetti. Osy jáne ózge de usynystarymen, birneshe ınvestısııalyq jobalarymen kelgen kásipkerlerdi búgin oblys ákimi Amandyq Batalov qabyldady, dep habarlaıdy Egemen.kz

Kásipkerlerdi Azııa qurlyǵyndaǵy Kúres federasııasynyń prezıdenti, QR Grek-rım jáne erkin kúres, áıelder kúresi federasııasynyń vıse-prezıdenti, Búkilálemdik Kúres federasııasynyń vıse-prezıdenti, «SemAz» AQ aksıoneri Dáýlet Turlyhanov bastap keldi.

Aldymen sóz alǵan «Vıraj» holdınginiń bas dırektory Vladımır Kotelnıkov Talǵar aýdany Qyzylqaırat aýylynda 2,5 ga jerge sport keshenin salýdy josparlap otyrǵanyn aıtyp, jalpy alańy 1 myń sharshy metrlik eki qabatty sport nysanynyń eskızdik jobasyn kórsetti. Onda kúres zaly, voleıbol, basketbol, fýtbol alańdary qarastyrylǵan. Jobaǵa shamamen 450 myń dollar ınvestısııa salynady. V.Kotelnıkovtyń aıtýynsha, qurylys jumystaryna 1-1,5 jyldaı ýaqyt ketedi. Kásipker ǵımarat salynyp bitkennen keıin ony kútip ustaý, nysanda jumys isteıtin jattyqtyrýshylyq quramdy qalyptastyrý, halyqty sportpen aınalysýǵa tartý isin jandandyrý úshin nysandy memleket menshigine bermek. Ákimdik tarapynan sport kesheni men negizgi trassany jalǵaıtyn 200 metrlik joldy asfalttaý men jaryq shamdaryn ornatý josparǵa engizilse degen usynysyn aıtty.

1

Oblys ákimi Amandyq Batalov óz kezeginde sport kesheniniń qurylysyn bastaýǵa qajetti tehnıkalyq sharttar, ruqsat qaǵazdarynyń kedergisiz beriletinin jetkizdi. Jalpy oblysta 11 sport kesheni salynǵanyn tilge tıek etip, mundaı nysandardyń jas urpaqty sport arqyly tárbıeleýge tıgizetin yqpaly zor ekenin atap ótti.

Sonymen qatar V.Kotelnıkov kompanııasynyń Qazaqstannyń avtokólik naryǵyndaǵy kóshbasshylardyń biri ekenin aıtty. Holdıng shetelerden kólik quraldary men arnaıy tehnıkalardy jetkizýmen qatar Semeı jáne Kókshetaý qalalaryndaǵy  «SemAz» ı Daewoo Bus zaýyttarynda óz óndiristerin iske qosqan. Kompanııa basshysy avtobýstarynyń, aýyl sharýashylyǵy jáne kommýnaldyq, jol jáne qurylys tehnıkalarynyń, ÝAZ jedel járdem kólikteriniń jáne basqa da kólik quraldarynyń katalogyn kórsetti. «Elimizdegi iri qalalarda tehnıkalyq qyzmet kórsetý ortalyqtarymyz jumys isteıdi. Bizge jer bólip berse, Taldyqorǵan qalasynan da osyndaı ortalyq ashsaq deımiz. Investısııa kólemi 900 mln teńgeden bastalady. 50-70 adamǵa jumys orny ashylady. Basty maqsatymyz – tehnıkalyq, kepildik qyzmet kórsetý úshin sharýalardy Almatyǵa sabyldyrmaı, osy jerden qyzmet kórsetý», dedi V.Kotelnıkov.

1

О́z sózinde  Amandyq Batalov jýyrda Taldyqorǵan qalasynyń avtoparkteri jańartylǵanyn, sol sııaqty aýdan-qalalardyń kommýnaldyq sharýashylyqqa qajetti tehnıkalarynyń da qatary tolyǵatynyn aıtty. Sol sııaqty qant qyzylshasyn, júgeri ósirýdi jandandyrý barysynda da birqatar jańa aýyl sharýashylyǵy tehnıkalary satyp alynǵan. Sondyqtan aldaǵy ýaqytta «Vıraj» holdıngi usynyp otyrǵan kólik quraldaryn da qarastyrýǵa bolatynyn jetkizdi. Sol sııaqty tehnıkalyq qyzmet kórsetý ortalyǵynyń jobasy da qoldaýǵa laıyq joba ekenin aıtty.

Kezdesýde «Tehnograd» JShS bas dırektory Balaldın Ýshýrov ta sóz alyp, ol Talǵar aýdany aýmaǵynda júzege asyrýǵa nıetti ınvestısııalyq jobalaryn tanystyrdy. Olar - turmystyq tehnıka men jıhaz satatyn arnaıy saýda úıi men jol boıynda qyzmet kórsetetin oryn. Birinshisine 250 mln. teńge, ekinshisi 650 mln. teńge kóleminde ınvestısııa salynbaq. Oblys basshysy jobany qoldaıtynyn, degenmen ony iske asyrý barysynda jol boıyndaǵy bir de bir aǵashqa zııan keltirmeýi kerektigin eskertti jáne ony qadaǵalaýdy aýdan ákimdigine tapsyrdy.

Sońǵy jańalyqtar

Almaty mańynda jer silkindi

Aımaqtar • Keshe

Sý aıaǵy qurdymǵa kete me?

Aımaqtar • Keshe

Kók túrkiniń kózi

Tarıh • Keshe

Tólge toly Taıketken

Ekologııa • Keshe

15 mamyr – Halyqaralyq otbasy kúni

Qoǵam • 15 Mamyr, 2021

Semeıde eki jeńil kólik soqtyǵysyp qaldy

Aımaqtar • 15 Mamyr, 2021

Uqsas jańalyqtar