Aqtóbe oblysyndaǵy zań ınstıtýtyna qarýlanǵan belgisiz bireýler shabýyl jasady. Bul týraly «Moı gorod» portaly habarlady.
«Qarýly buzaqylarmen aıqasta eki kýrsant jaraqat aldy. Arqalaryna oq bytyrasy tıgen 21 jastaǵy Azat Qurmanbaı men 20 jasar Oljas Ibragımov aýrýhanaǵa jatqyzyldy. Shabýyl jasaýshy jas jigitter ańshy myltyǵynan atqan eken, polıseıler oqıǵa bolǵan jerden olardyń gılzalaryn tapty», – delingen habarlamada.
Atalǵan oqý ornyna shabýyl osydan 3 kún buryn jasaldy. Osy kúni birneshe buzaqynyń ınstıtýttyń sap túzeıtin plasy mańyndaǵy temir beton dýaldan asyp túsip, mekemege kirgeni týraly derek aıtyldy. Olar sol jerde kýrsanttarmen sózge kelip, oq atyp, artynan boı tasalaǵan. Qazir osy oqıǵaǵa baılanysty tergeý amaldary júrgizilýde. Ázirge kúdiktiler týraly naqty málimet joq.
Baqytbek Keneshuly.
Derekkóz: «Moı gorod»
Foto: Azattyg. org
