Sonymen qatar Jetisý aýdanynda «Jekpe-jek ortalyǵy» biregeı jobasy júzege asyryldy. Sportpen aınalysýǵa arnalǵan ashyq mektep zaldary jáne mektep stadıondary jańǵyrtyldy. Onyń ishinde 12 mekteptiń stadıony Memlekettik-jekemenshik áriptestik arqyly jóndeldi. Qalanyń aýdandarynda ashylǵan basketbol, fýtbol seksııalaryna jattyqtyrýshylar bólindi.
Qazirgi ýaqytta QR MSM Sport komıtetimen birlesip balalar men jasóspirimderdi sportpen jappaı qamtý boıynsha jańa baǵytty iske asyrý úshin qalany respýblıkanyń pılottyq úsh óńirine qosý boıynsha jumys júrgizildi. Sondaı-aq jan basyna shaqqandaǵy memlekettik qarjylandyrýdy barynsha az qamtamasyz etý úshin ádisteme men normatıvter jasaý jónindegi usynystardy pysyqtaý úshin «fokýs-top» quryldy.
Sondaı-aq sport túrleri boıynsha Almaty qalasy qurama komandalarynyń QR chempıonattaryna jáne Almaty qalasynda ótetin QR qysqy spartakıadasyna qatysyp, daıyndyq júrgizýde. Almaty qalasynyń ákimi Baqytjan Saǵyntaevtyń tapsyrmasy boıynsha «Shetsiz qala» jobasy aıasynda Naýryzbaı, Alataý, Túrksib jáne Jetisý aýdandarynyń turǵyndary úshin sport seksııalary ashyldy.
Bıyl megapolıste 5 dene shynyqtyrý-saýyqtyrý kesheniniń qurylysy bastaldy, aıaqtalý merzimi – 2021 jyl. Karantın kezeńinde ártúrli sport túrleri boıynsha 41 255 onlaın jattyǵý uıymdastyrylydy. Oǵan 150 myńnan astam adam qatysty.
