«Biz berik birligimiz ben bekem tirligimiz arqyly ulan-ǵaıyr jetistikke qol jetkizdik. Aldaǵy ýaqytta da ıyq tirese júrip, bıik belesterdi birge baǵyndyra beretinimizge senemin»,– degen edi Elbasy «Nur Otan» partııasynyń XV sezinde. Osy oramdy oı bizdi qanattandyryp, jotaly jetistikterge jeteleı túskenin jasyrmaımyz. Qazirgi tańda aımaqta partııanyń 37 myńnan astam múshesi bar. Olardyń sapalyq quramyn qalyptastyrý baǵytynda eleýli eńbek jasaldy. Partııanyń XIV sezi sheshimderin, Saılaýaldy tuǵyrnama talaptaryn oryndaýda partııa músheleriniń belsendiligi artty.
«Biz berik birligimiz ben bekem tirligimiz arqyly ulan-ǵaıyr jetistikke qol jetkizdik. Aldaǵy ýaqytta da ıyq tirese júrip, bıik belesterdi birge baǵyndyra beretinimizge senemin»,– degen edi Elbasy «Nur Otan» partııasynyń XV sezinde. Osy oramdy oı bizdi qanattandyryp, jotaly jetistikterge jeteleı túskenin jasyrmaımyz. Qazirgi tańda aımaqta partııanyń 37 myńnan astam múshesi bar. Olardyń sapalyq quramyn qalyptastyrý baǵytynda eleýli eńbek jasaldy. Partııanyń XIV sezi sheshimderin, Saılaýaldy tuǵyrnama talaptaryn oryndaýda partııa músheleriniń belsendiligi artty.
Árıne, mindetter mol, ony oryndaý – basty paryz. Qazir «Nur Otan» partııasynyń Saıası doktrınasyn túsindirý boıynsha keshendi jospar quryldy, soǵan saı Qyzylorda oblystyq partııa fılıaly «Nur Otan». Nurly bolashaq jolynda», «Doktrına: partııanyń jańa ıdeologııalyq tuǵyrnamasy», «Partııanyń aımaqtyq baǵdary: basymdyqtar jáne perspektıvalar», «Turaqty damý: myqty ekonomıka jáne áleýmettik ádil saıasat» sekildi iri sharalardy júzege asyrdy.
Búgingi aýyl halqynyń partııalyq aqparatpen sýsyndaý deńgeıi óte joǵary. Aqparat kózderi kóp, oǵan qoljetimdilik artqan. Bul oraıda el ishinde júrgen partııalyq aqparattyq-nasıhat toptary túsindirmelik jumystar jasaıdy, tolǵaqty máselelerdi tarqatyp aıtady. Sondaı-aq, Joldaýǵa baılanysty salalyq qyzmetterdiń jandanýyn jetkizedi. Bul oraıda Parlament Senaty men Májilisi, barlyq deńgeıdegi máslıhat depýtattarynyń úlesi súbeli dep aıtqan lázim. Máslıhattaǵy partııa fraksııasynyń jumysy, qoǵamdyq qabyldaýdyń mańyzy erekshe.
Elbasynyń «Qazaqstan-2050» Strategııasy – qalyptasqan memlekettiń jańa saıası baǵyty» atty Joldaýyna sáıkes Qyzylorda oblysynyń áleýmettik-ekonomıkalyq damý basymdyqtaryn, maqsattary men mindetterin aıqyndaǵan oblystyq fılıal tóraǵasy, aımaq basshysy Qyrymbek Kósherbaevtyń 2013 jylǵa arnalǵan is-qımyl jospary negizinde aýdan, qala halqynyń áleýmettik jaǵdaıyn jaqsartý baǵytynda turaqty jumys júrgizilýde. Is-qımyl josparynyń ıgiligi qazirdiń ózinde tıimdi tabysqa bastady. Aıtalyq, aımaq ekonomıkasyna salynǵan ınvestısııa kólemi 2,5 eseden asty. Aımaqta bıýdjet qarjysy esebinen 77 áleýmettik nysan qurylysy júrgizilýde. Densaýlyq saqtaýdy damytýdyń 2013-2014 jyldarǵa arnalǵan «Jol kartasy» ázirlendi. Osy qujat aıasynda ana men bala ólimi, týberkýlez, júrek-qan tamyrlary jáne onkologııalyq aýrýlar kórsetkishin tómendetý qarastyrylyp jatyr.
Aǵymdaǵy jyly oblystyń bilim salasynda úsh aýysymdyq mektepterdiń máselesi tolyǵymen sheshildi. Al gaz baǵasy 135-ten 80 AQSh dollaryna deıin tómendedi. Iаǵnı, kógildir otyn baǵasy eki esedeı arzandady. «Balasaýysqandyq» vanadıı ken ornynda alǵashqy 6 tonna synamaly metanovanadat óndirildi. Elbasynyń tikeleı qamqorlyǵy arqasynda «Syrdarııa ózeniniń arnasyn retteý jáne Soltústik Aral teńizin saqtap qalý» jobasynyń 1-shi kezeńiniń júzege asyrylýy aımaqtaǵy dástúrli ónerkásip – balyq sharýashylyǵynyń qaıta jandanýyna serpin berdi. Balyq konsorsıýmynyń damýy ekpindi eńbektiń tusaýyn sheship otyr. Muny halyqtyń áleýmettik jaǵdaıyn jaqsartýǵa baǵyttalǵan baıandy bastama desek, bolashaqqa negizdelgen irgeli ister irkilis tappaıtynyna kózimiz jetedi.
Partııanyń Saılaýaldy tuǵyrnamasy talabyndaǵy «Jumyspen qamtý-2020» baǵdarlamasyn júzege asyrý sheńberinde, eńbek naryǵynyń suranysyna sáıkes, aımaqta Jalpyǵa Ortaq Eńbek Qoǵamynyń damýyna qoldaý tabyldy. Tipti ındýstrııalyq-ınnovasııalyq jáne ınfraqurylymdyq jobalardy júzege asyrý arqyly 8 800-den kem emes jańa jumys ornyn qurý, sonyń ishinde turaqty jumys ornyn 5300-ge jetkizý amalyn qarastyrýy úlken jetistik boldy. Onyń bir belgisi, «Nur Otan» partııasynyń Qyzylorda oblystyq fılıaly «LýkOıloversız» AQ-pen birlesip, «Aqnıet» áleýmettik áriptestik baǵdarlamasyn iske asyrýǵa den qoıdy. Munyń artyqshylyǵy, 2013 jyly tájirıbe retinde Qarmaqshy, Jalaǵash jáne Syrdarııa aýdandary turǵyndaryna jeke kásip júrgizýleri úshin qaıtarymsyz 1 mln. teńgeden 77 grant bólindi. Bul aýyldy qoldaýdyń, qarapaıym halyqty kótermeleýdiń keremet joly ekenin kórsetti.
Bıyl partııa Tóraǵasynyń tikeleı tapsyrmasyna saı aýmaqtyq partııa fılıaldarynyń óz ǵımaraty bolýy kerektigi tolyq júzege asty. Bul baǵytta partııanyń Qyzylorda oblystyq fılıalyna qarasty barlyq aýmaqtyq bólim jańa qonysqa kirdi. Sol sekildi partııa qyzmetin ashyq ári tıimdi júrgizý baǵytynda «elektrondy partııa» júıesi qolǵa alyndy. Qoǵamdyq qabyldaý bólmesi qyzmetin jandandyrýǵa basa nazar aýdaryldy.
Partııa fılıaly respýblıkalyq, oblystyq jelilik keste boıynsha Qazaqstan Respýblıkasynyń 2010-2014 jyldarǵa arnalǵan Údemeli ındýstrııalyq-ınnovasııalyq damý baǵdarlamasy, «Jumyspen qamtý-2020», «Halyqtyq IPO», «Bıznestiń jol kartasy-2020» biryńǵaı ashyq esik kúnderin ótkizip, taǵy da basqa jumystar júrgizdi. Sondaı-aq, partııanyń «Ardagerlerdi ardaqtaıyq», «Kıeli muramyzǵa taǵzym», «Tusaýkeser», «О́z tilińdi qurmette», «Genderlik máseleler boıynsha jumys», «STOPQylmys» qoǵamdyq naýqany», «Sheksiz múmkindikter» atty arnaıy jobalary aıasynda 52 shara ótkizilip, oǵan 2856 adam qamtyldy.
Elge tıesili kúrishtiń 85 paıyzyn Qyzylorda oblysy óndiredi. Sondyqtan alǵa kúrishtiń ónimdiligin arttyrý, ónim óńdeý tehnologııasyn damytý sııaqty baǵyttarda zor mindetter qoıylǵan. Bıyl dıqandar molshylyqqa keneldi. El táýelsizdik alǵan 22 jyl ishinde tuńǵysh ret 70 myń gektardyń ár gektarynan 49 sentnerden ónim jınalyp, 365 myń tonna kúrish terildi. Osy bereke el dáýletin asyrdy, halyqtyń áleýmettik jaǵdaıyn jaqsarta tústi. Jergilikti jerden ınvestor retinde aýylǵa aqsha salyp, órkenıet kóshine ilesken úlgi qalyptastyrǵan azamattar tabyldy. Solardyń biri «Nur Otan» partııasy atynan saılanǵan oblystyq máslıhat depýtaty, «Abzal jáne K» tolyq seriktestiginiń dırektory A.Eralıev jaqynda ǵana Qazaqstannyń Eńbek Eri atandy. Bul úlken marapat partııa bedelin arttyrdy, mereıin asyrdy.
Partııa Tóraǵasy «jastar – el bolashaǵy, jalǵasy» dep olardyń qoǵamdaǵy ornyn aıshyqtap keledi. «Jas Otan» JQ Qyzylorda oblystyq fılıalynyń qalalyq jáne 7 aýdandyq fılıalǵa qarasty 178 bastaýysh bólimshesi bar. Qazir olardyń qatary 11 052 jasqa jetti. «Nur Otan» partııasy Tóraǵasynyń birinshi orynbasary Baýyrjan Baıbektiń bastamasymen «Jastar – aýylǵa!» jobasyn júzege asyrý barysynda qala jáne aýdandarda mobıldi toptar qurylǵan. Qyzylorda qalasyndaǵy «Sybaǵa» ortalyq bazarynda jastarǵa «Keńes ortalyǵy» keńes berip keledi. Osyndaı ozyq jumystar nátıjesinde baǵalaý reıtıngisi jyldyń ekinshi toqsanymen Qyzylorda jastary birinshi orynǵa kóterildi. «Jastar kadrlyq rezervi» baıqaýyna 158 jas qujat tapsyryp, irikteýden 4 úmitker ótti. Al «Dıplommen – aýylǵa!» jobasy da óz júıesin tapqan. Búginde 271 kóterme járdemaqy jáne 291 turǵyn úıge beriletin qarjy der kezinde ıgerilip keledi.
Biz úshin árbir kezeńniń jaýapkershiligi óz bıligimen ólshenedi. Demek, alǵan asýlar men senimge ıe bedel eseli eńbektiń enshisi deýge bolady. Endeshe, «Nur Otan» óziniń nurly jolynan taımaıdy.
О́lmeshan BOLATBEKOV,
«Nur Otan» partııasy Qyzylorda oblystyq fılıaly
tóraǵasynyń birinshi orynbasary, saıası ǵylymdar doktory.
