Elbasy N.Nazarbaev «Qazaqstan-2050» Strategııasy – qalyptasqan memlekettiń jańa saıası baǵyty» atty Qazaqstan halqyna Joldaýynda: «Bizdiń basty maqsatymyz – áleýmettik qaýipsizdik jáne azamattardyń baqýattylyǵy», dep atap kórsetti. Osyǵan baılanysty alǵa qoıylǵan tapsyrmalar bizdiń basqarma ujymyna úlken jaýapkershilik júktep otyr. Bul baǵytta aýqymdy jumystar da atqarylýda.
Elbasy N.Nazarbaev «Qazaqstan-2050» Strategııasy – qalyptasqan memlekettiń jańa saıası baǵyty» atty Qazaqstan halqyna Joldaýynda: «Bizdiń basty maqsatymyz – áleýmettik qaýipsizdik jáne azamattardyń baqýattylyǵy», dep atap kórsetti. Osyǵan baılanysty alǵa qoıylǵan tapsyrmalar bizdiń basqarma ujymyna úlken jaýapkershilik júktep otyr. Bul baǵytta aýqymdy jumystar da atqarylýda.
Engizilgen áleýmettik-ekonomıkalyq ózgerister barysynda elde qarqyndy damyǵan eńbek naryǵy qalyptasty. Máselen, halyqtyń ekonomıkalyq belsendi bóliginiń, jumyspen qamtylǵandardyń jáne óz betimen kásip tapqandardyń sany eselep artyp, jumyssyzdyq deńgeıi 2003 jylǵy 9,2-den 5,3 paıyzǵa tómendedi.
Qazirgi tańda eńbek naryǵyndaǵy jaǵdaıdy eskere otyryp, halyqty jumyspen qamtýdyń jańa tásilderi qarastyrylýda. Memleket «Jumyspen qamtý-2020» baǵdarlamasy sheńberinde jurtshylyqty qoldaý aıasyn barynsha keńitti. Ásirese, jastarǵa qamqorlyq jasaý, jappaı biliktilikti kóterý men qaıta daıarlyqtan ótkizý sharalarynyń arqasynda orta tap ókilderi alǵy saptan kórine bastady. Naqty aıtsaq, joǵarydaǵy baǵdarlama júzege asyryla bastaǵaly 8 myńnan astam adam qoǵamdyq ómirdiń barlyq salasynda jemisti jumys istep júr. Osy ýaqyt aralyǵynda respýblıkalyq bıýdjetten 6,2 mıllıard teńge qarjy bólindi. Al, 2013 jyldyń 11 aıynda ǵana 3,4 mıllıard teńge ıgerilip otyr. Sondaı-aq, aǵymdaǵy jyly oblysymyzǵa «Jumyspen qamtý jol kartasy-2020» baǵdarlamasyn iske asyrý boıynsha aqparattyq-túsindirý jumystaryna respýblıkalyq bıýdjetten 5838 myń teńge qarjy bólinýi ortaq iske serpin berdi. Bul jergilikti atqarý organdarynyń qurylymdyq bólimderinde tıisti semınarlar ótkizýimizge múmkindik berdi.
Bul máselelerdi bólektep aıtyp otyrǵan sebebim, Elbasy N.Nazarbaev «Áleýmettik jańǵyrtý: Jalpyǵa Ortaq Eńbek Qoǵamyna qaraı 20 qadam» atty eńbeginde eńbek qatynastaryna zamanalyq kózqarasty qalyptastyrýǵa aıryqsha nazar aýdardy. Sondyqtan, biz eńbek adamdarynyń quqyqtyq saýattylyǵyn kóterý, jumyspen qamtylyp otyrǵan ártúrli toptar ókilderin naqty ekonomıkaǵa qosý, jumys berýshilermen aradaǵy qarym-qatynasty jetildirý, áleýmettik qorǵaý, taǵy basqa mańyzdy baǵyttarda izdenis arqaýyn kúsheıtetin bolamyz.
Sholpan RAHMATÝLLINA,
Aqmola oblystyq jumyspen qamtý jáne áleýmettik
baǵdarlamalardy úılestirý basqarmasy
basshysynyń mindetin atqarýshy.
KО́KShETAÝ.
