Sh.Nuryshev óz baıandamasynda «qazirgi jaǵdaıda AО́SShK elderi arasyndaǵy ekonomıkalyq ólshemdegi yntymaqtastyqty nyǵaıtý erekshe mańyzǵa ıe» ekenin atap ótti. Bul turǵyda ol osy kezdesý, sondaı-aq Qazaqstannyń 2020-2022 jj. aralyǵyndaǵy AО́SShK-e tóraǵalyǵy aıasynda uıymdastyrylýy josparlanǵan is-sharalar, atap aıtqanda Iskerlik keńestiń otyrysy, Bıznes forým, Týrızm jónindegi forým jáne t.b. is-sharalar múddeli taraptar arasynda iskerlik baılanystar ornatýǵa yqpal etetinine senim bildirdi.
Sonymen birge, Sh.Nuryshev jaqynda AО́SShK-de epıdemıologııalyq qaýipsizdik, densaýlyq saqtaý jáne farmasevtıka salasynda jańa senim sharasynyń qabyldanǵanyn habarlap, bul yntymaqtastyq kókjıegin edáýir keńeıtetinin jáne AО́SShK elderiniń memlekettik mekemeleri men isker toptary arasynda ózara is-qımyldyń keleshegine úlken jol ashatynyn atap ótti.
Is-shara barysynda AО́SShK Hatshylyǵynyń Atqarýshy dırektory Qaırat Sarybaı, «Atameken» UKP basqarma tóraǵasynyń birinshi orynbasary Narıman Ábilshaıyqov, Dıplomatııalyq iskerlik klýbtyń teń tóraǵalary Islambek Saljanov jáne Majarstan Elshisi Mıhaı Galoshfaı, birqatar qazaqstandyq isker top ókilderi de prezentasııalar jasady.
Jıynǵa qatysýshylar yntymaqtastyqty keńeıtýdiń yqtımal joldaryn talqylaý úshin osyndaı kezdesýlerdiń paıdaly ekendigin atap ótti jáne bolashaqta osy formattaǵy pikirtalastardy jalǵastyrýǵa qyzyǵýshylyq bildirdi.
