Medısına • 08 Aqpan, 2021

COVID-19 qarsy vaksına 65 jastan asqan adamdar úshin tıimsiz be?

122 ret kórsetildi

Keıbir buqaralyq aqparat quraldarynda COVID-19 qarsy vaksınanyń tıimdiliginiń tómen, tek 8% ekendigi týraly aqparat jarııalandy, dep habarlaıdy Egemen.kz stopfake.kz saıtyna silteme jasap.

Nemis ǵalymdary AstraZeneca preparatyna qatysty osyndaı qorytyndy jasaǵan eken. Bul aqparatty Germanııanyń Federaldy úkimeti men óndirýshi kompanııa ókilderi resmı túrde joqqa shyǵardy.

Bul jańalyq alǵash ret HANDELSBLATT nemis basylymynda ústimizdegi jyldyń 26 qańtarynda shyqqan. Maqala avtory vaksınanyń tıimdiligi tómen ekendigi týraly aqparatty tikeleı federaldy úkimet múshelerinen alǵanyn habarlady.

Alaıda, keıinnen úkimettiń ózi bul jaıtty joqqa shyǵardy.

«Bir qaraǵanda, esepterde eki nárse aralasqan sııaqty. AstraZeneca tıimdiligin zertteýge qatysýshylardyń shamamen 8%-y 56-dan 69 jasqa deıingi adamdar, tek 3- 4 paıyzy ǵana 70 jastan asqandar. Biraq bul egde jastaǵy adamdar úshin tıimdilik tek 8% quraıdy degendi bildirmeıdi», dep málimdedi úkimet ókili.

AstraZeneca kompanııasynyń resmı ókilderi de bul aqparatty joqqa shyǵaryp, egde jastaǵy adamdardy vaksınalaýdyń joǵary tıimdiligi qan analızimen dáleldengenin jetkizdi.

Bul derekter Lancet ǵylymı jýrnalynda jarııalanǵan vaksınanyń klınıkalyq zertteýleri týraly esepter de rastaıdy.

Demek, 65 jastan asqan adamdar arasynda COVID-19 qarsy vaksınanyń tıimdiligi tómen ekendigi týraly habarlamalar negizsiz bolyp tabylady. HANDELSBLATT basylymy táýelsiz faktchekerlerge aqparat kózderi týraly derekterdi nemese qandaı da bir ózge rastaıtyn málimetterdi usynbaǵanyn atap ótkenimiz jón. 

Sońǵy jańalyqtar

Esińde bolar ár kúniń

Qazaqstan • Keshe

Jemqorlyq statıstıkasy

Qazaqstan • Keshe

«Bir belgi úshin...»

Kıno • Keshe

Shynaıylyq

О́ner • Keshe

Balalyq shaqtyń aspany

Qoǵam • Keshe

Uqsas jańalyqtar