Qoǵam • 16 Aqpan, 2021

Uly dalanyń aǵartýshysy týraly adaldyq saǵaty ótti

150 ret kórsetildi

Sybaılas jemqorlyqqa qarsy is-qımyl agenttiginiń kezekti «Adaldyq saǵaty» qazaqtyń asa kórnekti aǵartýshy-pedagogi, jazýshy, etnograf, folklorshy ǵalym, ult ustazy Ybyraı Altynsarınge arnaldy.

Qazaq dalasynda bilimniń shyraǵyn jaqqan Ybyraı Altynsarın bar ǵumyryn qazaq balalaryn oqytý jolynda ótkizgen.

Sol maqsatpen alǵash ret balalarǵa arnap mektep ashyp, ana tilimizde oqýlyq jazǵan.

Aǵartýshy oqýlyqty jazýdaǵy maqsatyn «Qazaq hrıstomatııasynyń» alǵy sózinde: «Bul kitapty qurastyrǵanda men kitaptyń orys-qazaq mektepterinde tárbıelenip júrgen qazaq balalaryna oqý kitaby bola alý jaǵyn, sonymen qatar, jalpy halyqtyń oqýyna jaraıtyn kitap bola alý jaǵyn kózdedim…» dep tujyrymdaǵan.

Qazaq jastary arasynda bilim berýdi damytýdyń mańyzdylyǵyn Altynsarın óziniń basqa da kóptegen shyǵarmalarynda sıpattaǵan.

Olardyń qataryna «О́sıet óleńder», «Áı, jigitter» sııaqty taǵy da basqa týyndylaryn jatqyzýǵa bolady. Bul óleńderinde bıik adamgershilik turǵysynan urlyq-qarlyqty, astamsý, ádiletsizdikti synap, eńbeksizdikti, eskilikti salttardyń zııandyǵyn kórsetip, adal eńbektiń adamgershilik minez-qulyqtyń artyqshylyqtaryn beıneleıdi.

«Kel, balalar, oqylyq» óleńinde aqyn qazaq aýyz ádebıetiniń dástúrlerin sheber paıdalanyp, bilim men nadandyqty, jaqsylyq pen jamandyqty qatar alyp, salystyryp otyrdy.

Y. Altynsarınniń shyǵarmalary búgingi kúnge deıin zamanaýı bilim berý júıesiniń negizi bolyp tabylady.

Jazýshynyń adamgershilik týraly ıdeıalary estetıkalyq tárbıemen baılanysta, birimen-biri ushtastyryla sýrettelip otyrady.

Qazaq dalasyna azattyq ıdeıasy taraı bastaǵan tusta jańa poezııanyń bastaýshysy, bilimniń kóshbasshysy, alǵashqy ustazy bolyp Ybyraı Altynsarın qashan da tarıh bıiginde tura bereri haq.

Ult ustazy bizdiń tarıhymyzda óshpes iz qaldyrdy. Onyń armany – halyqtyń gúldengen bolashaǵyna nyq senimmen qaraıtyn bilimdi jastar boldy.

 

Beıne-dáriske silteme: https://youtu.be/nucWdy4gOsY

Sońǵy jańalyqtar

Suıytylǵan gaz baǵasy óspeıdi

Qoǵam • Búgin, 18:21

Aldaǵy kúnderi aýa raıy qandaı bolady

Aýa raıy • Búgin, 18:00

Dollar arzandady

Qarjy • Búgin, 16:22

Shymkentte de LRT salynýy múmkin

Aımaqtar • Búgin, 12:50

Uqsas jańalyqtar