Qazaqstan Respýblıkasy men Reseı Federasııasynyń óńirleri arasyndaǵy saýda-ekonomıkalyq qatynastardy keńeıtý sheńberinde Bashqurtstan Úkimetiniń qoldaýymen Qazaqstan Respýblıkasynyń Reseı Federasııasyndaǵy Saýda ókildigi 2021 jyly qazaqstandyq eksportqa baǵdarlanǵan kompanııalar úshin alǵashqy onlaın bıznes-mıssııasyn uıymdastyrdy.
Is-sharaǵa Qazaqstan Respýblıkasy Saýda jáne ıntegrasııa mınıstrliginiń, Qazan qalasyndaǵy QR Bas konsýldyǵynyń ókilderi, "QazTrade" saýda saıasatyn damytý ortalyǵy" AQ, "Samuryq-Qazyna" AQ, "KazakhExport" ESK AQ, sondaı-aq qazaqstandyq "Magnum", "Iýjnyı" jáne "Korzınka" saýda jelileriniń ókilderi. Bashqurtstan Respýblıkasy Úkimetiniń tarapynan RB Saýda jáne qyzmet kórsetý mınıstriniń orynbasary, RB Syrtqy ekonomıkalyq baılanystar jáne Kongress qyzmeti jónindegi memlekettik komıtetiniń tóraǵasy, RB Saýda-ónerkásip palatasynyń, Áleýmettik tamaqtaný kásiporyndary qaýymdastyǵynyń ókilderi, sondaı-aq Bashqurtstan óńirlik saýda jelileriniń ókilderi qatysty.
Onlaın bıznes mıssııasy aıasynda shıkizattyq emes salalardaǵy 24 qazaqstandyq kompanııa tanystyryldy. Sondaı-aq, bıznes-mıssııa baǵdarlamasyna syrtqy saýda kelisimsharttary men kelisimderine qol qoıý maqsatynda osy kompanııalardyń Bashqurtstandaǵy áleýetti kontragenttermen V2V-kelissózderi engizilgen bolatyn.
Qazaqstan kompanııalarynyń tusaýkeserlerin ótkizý barysynda Bashqurtstan ókilderi azyq-túlik taýarlaryn ózara jetkizýge qyzyǵýshylyq tanytty, qazaqstandyq ónimderge, ásirese "Halal" sertıfıkatymen shyǵarylǵan ónimderge suranystyń ósip kele jatqanyn atap ótti.
