«Sıfrlyq jaz» baǵdarlamasynyń tórtinshi tolqynynyń erekshelikteri týraly «Samuryq-Qazyna» sıfrlandyrý jáne transformasııalaý jónindegi Basqarýshy dırektory Dáýren Kereıbaev baspasóz brıfıng barysynda aıtyp ótti.
Onyń aıtýynsha, bıyl TMD-da balamasy joq biregeı baǵdarlamaǵa IT salasyndaǵy bolashaq mamandar ǵana emes, sonymen qatar HR, qarjygerler, ekonomıster jáne tehnıkalyq mamandyq ókilderi qatysa alady.
Taǵylymdamadan ótýshiler Almaty jáne Astana qalalaryndaǵy «Samuryq-Qazyna» tobynyń: «QazMunaıGaz» UK» AQ, «Qazaqstan Temir Joly» UK» AQ, «Qazpochta» AQ, «Samuryq-Energo» AQ, «Qazaqtelekom» AQ, «KEGOC» AQ, «Eır Astana» AQ, «Qazatomónerkásip» UAK» AQ, «QazCloud» JShS jáne t.b. kompanııalarynda jumys tájirıbesin satyp alý múmkindigine ıe bolady.
Baǵdarlamanyń árbir qatysýshysyna jeke tálimger bekitiledi. Taǵylymdama kezeńinde 50 000 teńge mólsherinde aı saıynǵy stıpendııa kózdelgen.
«Sıfrlyq jaz» jas talanttarǵa kem degende taǵylymdamadan ótýge, óz múmkindikterin synaýǵa, elimizdiń iri kompanııalarynyń jobalaryn iske asyrýǵa úles qosýǵa, oqýǵa, eń kóp degende jumysqa ornalasýǵa kómektesedi», dedi Dáýren Kereıbaev.
Esterińizge sala keteıik, «Sıfrlyq jaz» baǵdarlamasy jas mamandardy Qor kompanııalary tobyndaǵy sıfrlandyrý jáne transformasııalaý jobalaryna tartý úshin 2018 jyly iske qosyldy. Baǵdarlama stýdentter arasynda tanymal bola bastady: 2018 jyly qatysýǵa 500 ótinim berildi, al 2020 jyly-4,5 ese kóp. О́tken úsh jyl ishinde baǵdarlamanyń 54 túlegi Qor tobynyń kompanııalarynan jumys týraly usynystar aldy.
