Elordada qar qalyńdyǵynyń aılyq normasy 15 mm bolsa, aqpan aıynda 19 mm qar jaýdy. Al ótken túnde qalyńdyǵy 7 mm boldy.
Nur-Sultanda 17 aqpannan 18-ine qaraǵan túni qar jınaý jumysyna 500-den astam arnaıy tehnıka men 50-den asa jol jumysshy jumyldyryldy. Birinshi kezekte, ereje boıynsha, joldarda keptelis bolmaýy úshin qozǵalysy óte qarqyndy ýchaskeler tazartylady. Odan ári ortasha qarqyndy ýchaskeler, ıaǵnı alańdar, vokzal mańyndaǵy aýmaqtar, trotýar sekildi oryndar qardan tazartylady.
О́tken táýlikte elordadan barlyǵy 26 myń tekshe metr qar shyǵaryldy. Al bıylǵy qysta bas-aıaǵy 2 564 383 tekshe metr qar jınaldy.
Esterińizge sala keteıik, jınalǵan qar elordada ornalasqan 11 polıgonǵa shyǵarylady. Qalada qar jınaý 24/7 rejıminde júrgiziledi. Polıgondarda baqylaý maqsatynda foto jáne beınekameralar ornatylǵan.
Sonymen qatar, "Qazgıdromet" RMK sınoptıkteriniń boljamy boıynsha, Nur-Sultanda 18 aqpanda kúndiz qar aralas jańbyr jaýyp, tuman, kóktaıǵaq jáne burqasyn kútiledi. Aýa temperatýrasy 1-3 gradýs jyly.
19 aqpanda qar, tuman, boran, kóktaıǵaq bolady dep boljanyp otyr. Ońtústik-batystan 9-14 m/s jyldamdyqpen jel soǵady, ekpini - 15-20 m/s. Aýa temperatýrasy kúndiz jáne túnde -8-10 gradýs bolady.
Al 20 aqpanǵa qaraǵan túni termometr baǵandary -25-27 gradýs aıazǵa deıin, al kúndiz -15-17 gradýsqa deıin tómendeıdi.
