10 negizgi syn-tegeýrin anyqtaldy. Bul qoljetimdi turǵyn-úımen qamtamasyz etý; úlestik qurylys; áleýmettik sala; shet aımaqtardy, qoǵamdyq keńistikter men aýlalardy damytý; gazdandyrý; joldar men qoǵamdyq kólik; nóser kárizi men tazartý qurylystary; ekologııa; qoǵamdyq qaýipsizdik; shaǵyn jáne orta bıznesti damytý.
Nur Otan partııasy óziniń saılaýaldy baǵdarlamasynda anyqtaǵandaı, turǵyndardy tolǵandyratyn atalǵan máseleler qala damýynyń basym baǵyttaryna endi.
Onyń basty maqsaty – halyqtyń ómir súrý sapasy men ál-aýqatyn úzdiksiz jaqsartý úshin jaǵdaı jasaý.
Áleýmettik salaǵa, ıaǵnı bilim berý, densaýlyq saqtaý jáne halyqty áleýmettik qorǵaýǵa úlken kóńil bólinedi. Aldaǵy bes jylda 30 dárigerlik ambýlatorııa, jańa kópbeıindi aýrýhana men perzenthana salynady. Aldaǵy bes jylda halyq sanynyń ósýine qaramastan, úsh aýysymdy jáne tyǵyzdalǵan mektepterden tolyq arylý josparlanyp otyr. Ol úshin 50 jańa mektep salýdy kózdep otyr. Elordanyń kóptegen turǵyndaryn alańdatyp otyrǵan ózekti másele – qoljetimdi turǵyn-úımen qamtamasyz etý. Bul máseleni sheshý úshin jyl saıyn 10 myń páter salý josparlanýda.
Elordamyz «shetsiz qala» bolýy tıis. Sondyqtan turǵyn úı alaptarynda jaıly jáne tolyqqandy ómir súrý úshin 130 km sýmen jabdyqtaý jáne sý burý jelileri, 85 km nóser kárizi, úsh nóser kárizin tazartý qurylystary kesheni, bir qosalqy stansııa jáne 177 km elektrmen jabdyqtaý jelileri salynady. 500 aýlany jóndeý jáne abattandyrý josparlanýda.
Sapaly joldar men qoǵamdyq kóliktiń úzdiksiz jumys isteýi – elordadaǵy jaıly ómirdiń mańyzdy quramdas bóligi ispettes. Jelilerdegi avtobýstar sany artady, marshrýttyq jeli jańǵyrtylady, bul qala turǵyndarynyń kópshiligine qoǵamdyq kólik qyzmetterin paıdalanýǵa múmkindik beredi. 300 myń avtoáýesqoıǵa qolaıly jaǵdaı jasaý úshin 250-den astam kóshege jóndeý júrgizildi.
Qazirgi ýaqytta qalada nóser kárizi jelileri men qurylystarynyń jumystary júrgizilýde. Bul jumystardyń aıaqtalýy – elordadaǵy ekologııalyq jaǵdaıdy jaqsartady, ǵımarattar men úılerdi sý basý qaýpin azaıtady, qalany taza etedi.
«Pandemııa ekonomıkanyń barlyq salalaryna aıtarlyqtaı áser etti, bıznesti júrgizýdiń álsiz jaqtaryn belgilep, jańa shyndyqtardy eskere otyryp, óz qyzmetin qaıta formattaýdy mindettedi. 100 myńnan astam jańa jumys oryndaryn qurý josparlanýda (jyl saıyn orta eseppen 27 myń jańa jumys oryndaryn ashý, granttar, jeńildetilgen nesıeler, sýbsıdııalar bólý jáne t.b.).
Jastar – bizdiń bolashaǵymyz. Elordada shamamen 250 myń jastar turady. Olarǵa jan-jaqty qoldaý kórsetiledi. Bul jumys isteıtin jastarǵa arnalǵan «Elorda jastary» qalalyq turǵyn úı baǵdarlamasyn iske qosý, bıznesti damytýǵa, oqýǵa jáne sportpen shuǵyldanýǵa qoldaý kórsetý
– Nur Otan partııasynyń saılaýaldy baǵdarlamasy bul bizdiń qalamyzdyń 5 jylǵa arnalǵan damý jospary. Atalǵan josparlar men ýádelerdiń barlyǵyn oryndap, qol jetkizemiz, – dedi Nur Otan partııasy Nur-Sultan qalalyq fılıaly tóraǵasynyń birinshi orynbasary Daýlet Káribek.
