Kún tártibinde «Nur Otan» partııasynyń Túrkistan oblysy boıynsha «О́zgerister joly: Ár azamatqa laıyqty ómir!» saılaýaldy baǵdarlamasyn oryndaý jónindegi jol kartasyn bekitý týraly másele daýysqa salyndy.
Atalǵan qujat boıynsha oblystyq máslıhat hatshysy Qaırat Balabıev baıandama jasady. Ol Jol kartasynda óńirdegi ózekti máseleler qamtylǵanyn aıtyp, fraksııa músheleri Jol kartasyn júzege asyrýǵa belsene atsalysyp, el senimin aqtaıtynyna senim bildirdi. Bıýro músheleriniń qoldaýymen Jol kartasy bekitildi. Kún tártibindegi qaýlynyń oryndalýyn baqylaýǵa «Nur Otan» partııasy Túrkistan oblystyq fılıaly tóraǵasynyń birinshi orynbasary Beısen Tájibaev jáne aýdan, qala ákimderi, basqarma basshylary jaýapty bolyp bekitildi.
Jol kartasyna sáıkes, Túrkistan oblysynda 5 jyl kóleminde 111 medısınalyq nysan, 266 mektep, 15 balabaqsha, 236 sport, 27 mádenıet nysany salynady. Sonymen birge 214 týrıstik nysan salynyp, osy arqyly óńirimizge kelýshiler sany 1,5 esege artyp, 2 mıllıonǵa jetedi degen jospar bar. Infraqurylymdy damytý da nazarda bolmaq. О́ńirde 5656,11 shaqyrym jol jóndeledi. 2300 shaqyrymǵa jýyq taza aýyz sý júıesi júrgiziledi. 40 myńǵa jýyq jańa jumys orny ashylady. 152 jańa kásiporyn ashý jáne keńeıtý arqyly shaǵyn jáne orta bıznes sýbektileriniń sany 350 myńǵa jaqyndaıdy. Aýyl sharýashylyǵyna qoldaý kúsheıedi. 53 ferma, 900 mal bordaqylaý alańy qurylady. Bes jylda 21 myńnan astam páter el ıgiligine beriledi. Atalǵan qujatta osy jáne ózge de máseleler qamtylǵan.
О́ńir basshysy О́.Shókeev Jol kartasyndaǵy árbir mindetti júıeli ári talapqa saı oryndaý Memleket basshysynyń tikeleı qadaǵalaýynda ekenin aıta kele, bul baǵyttaǵy jumystarǵa fraksııa músheleri, jergilikti atqarýshy organdar belsendi túrde qatysatynyn jetkizdi.
