Nur Otan batys óńirlerdi damytýdyń egjeı-tegjeıli josparyn ázirledi

Elbasy, partııa Lıderi Nursultan Nazarbaevtyń tapsyrmasyna sáıkes árbir óńirde, qala men aýdanda júıeli baqylaýdy qamtamasyz etý úshin maqsatty ındıkatorlar men merzimderdi, sondaı-aq oǵan jaýapty oryndaýshylardy belgileı otyryp, saılaýaldy mindettemelerdi iske asyrý boıynsha Jol kartalary bekitildi.

Batys Qazaqstan oblysynda aldaǵy 5 jylda 1498 kórsetkish pen 3541 is-sharany oryndaý kózdelgen. 2021 jyly «Nur Otan» partııasynyń saılaýaldy baǵdarlamasy 20,2%-ǵa, 2022 jyly – 39,6%-ǵa, 2023 jyly – 59,9%-ǵa, 2024 jyly – 78,7%-ǵa jáne 2025 jyly 100%-ǵa oryndalady.

Bıyldyń ózinde 7,5 myń páterdiń 1,9 myńy, 23 mekteptiń 4-eýi, 15 sport nysanynyń 9-y, 2 mádenıet nysany, 5 medısınalyq nysannyń 1-eýi salynady. 5 jyl ishinde 65 myń jumys orny ashylyp, 10 jańa týrıstik nysan salynady.

Atyraý oblysynda 725 kórsetkish pen 1013 is-sharany oryndaý josparlanǵan. 2021 jyly óńirdegi saılaýaldy baǵdarlama 19,3%-ǵa, 2022 jyly – 38,7%-ǵa, 2023 jyly-59%-ǵa, 2024 jyly – 79,4%-ǵa jáne 2025 jyly tolyǵymen iske asyrylady.

Jyl sońyna deıin 289 km avtojoldyń 32 shaǵyrymy, 153 km sýmen jabdyqtaý jelileriniń 121 shaqyrymy salynyp, jóndeledi. 103 myń jumys ornyn qurý, 11 mektep, 56 balabaqsha, 10 medısınalyq nysan, barlyq 7 aýdan ortalyǵynda TQQ suryptaý keshenderiniń qurylysy jáne t. b. josparlanǵan.

Mańǵystaý oblysynda bekitilgen Jol kartasy aıasynda 2645 kórsetkish pen 2328 is-sharany oryndaý kózdelip otyr. 2021 jyly partııa baǵdarlamasy 19,9%-ǵa, 2022 jyly – 40,1%-ǵa, 2023 jyly – 60,6%-ǵa, 2024 jyly – 80,1%-ǵa jáne 2025 jyly 100%-ǵa iske asyrylatdy.

5 jyl ishinde oblysta qurylysy josparlanǵan 30 mekteptiń 6-aýy osy jyly salynady. Sol sııaqty 89 balabaqshanyń 10-y, 14 sport nysanynyń 3-eýi boı kóteredi. 1534 nysannyń 305-i erekshe qajettilikteri bar adamdar úshin beıimdeletin bolady. 70 myńnan astam jumys ornyn qurý josparlanýda. Turǵyn úımen qamtamasyz etý deńgeıin arttyrý úshin qalalarda 48 kóppáterli úı jáne oblys aýdandarynda 89 úı salynady

Aqtóbe oblysynda 1825 kórsetkish jáne 3750 is-shara bekitildi. 2021 jyly «Nur Otan» baǵdarlamasy 19,5%-ǵa, 2022 jyly – 39,8%-ǵa, 2023 jyly – 60%-ǵa, 2024 jyly – 80,1%-ǵa jáne 2025 jyly 100%-ǵa oryndalady.

2021 jyly óńirde 1057 km sýmen jabdyqtaýdyń 336 km, 1697 km gazben jabdyqtaýdyń 457 km, sondaı-aq 2022 km avtojoldyń 377 km salynady jáne jóndeledi. 2025 jylǵa deıin 105 myń jumys orny qurylady, 25 týrıstik nysan jáne 9 TQQ polıgony salynady.

Oblys halqynyń 29%-y aýyldyq jerlerde turatynyn eskere otyryp, óńirde eki jylyjaı keshenin, eki sút-taýar fermasyn, qus fabrıkasyn salý jáne IQM basyn ulǵaıtý josparlap otyr. Aýyl sharýashylyǵynyń dástúrli emes túrlerin – omartashylyqty, jıdek daqyldaryn ósirýdi jáne t.b. damytýǵa erekshe nazar aýdarylady.

Barlyq saılaýaldy ýádelermen nurotan.kz jáne nurotan2021.kz.saıttarynan tanysýǵa bolady.